Véronique Reymond
Dialäkt: Undermarkgreflerisch |
![](http://upload.wikimedia.org/wikipedia/commons/thumb/7/73/V%C3%A9ronique_Reymond.jpg/220px-V%C3%A9ronique_Reymond.jpg)
D Véronique Reymond (* 31. Meerz 1971 z Lausanne) isch e Schwyzer Schauspiileri, Draibuechautoori un Filmreschisseeri. Si schafft im Theater un au bim Film exklusiv mit dr Stéphanie Chuat.
Lääbe un Wiirke
[ändere | Quälltäxt bearbeite]D Véronique Reymond het am Kunservatoorium z Lausanne un an dr Scuola Teatro Dimitri (Tessin) studiert.
Mit dr Stéphanie Chuat, wu si chännt, syter ass si elf Johr alt isch, het si ne Chinder- un Juugedtheater grindet, d Compagnie Switch. Si hän zäme in e Hufe schwyzerische un franzeesische Theaterprodukzioone mitgwiirkt.[1] Ire eerscht Schritt zum Film sin Video in ire Theaterstuck gsii. Anne 1999 het si aagfange Chuurzfilm schryybe un inszeniere.[2]
Ain vu däne Film, Berlin Backstage, isch in dr Berliner Philharmonie drait un 2004 fir dr Berlin Today Award bim Talent Campus vu dr Internazionaale Filmfeschtspiil Berlin nominiert woore.[2] Anne 2005 hän si dr Dokumentarfilm Gymnase du soir, petites histoires, grandes études un 2009 Buffo, Buten & Howard, e Porträt vum amerikaanische Schriftsteller un Gloon Howard Buten gmacht.
Anne 2010 het s Duo sy eerschte Kinofilm drait, La Petite Chambre (Das kleine Zimmer), mit em Michel Bouquet un dr Florence Loiret Caille in dr Hauptrolle. Dr Film isch 2010 fir dr Internazionaale Wettbewäärb vum Filmfeschtiwäl Locarno uusgweelt woore un het d Schwyz bi dr Oscar fir dr bescht främdsproochig Film verdrätte. Anne 2011 het La Petite Chambre dr Schwyzer Filmbryys fir dr „Bescht Film“ un s „Bescht Draitbeuch“ iiberchuu. 2014 hän d Stéphanie Chuat un d Véronique Reymond fir ds Schwyzer Fäärnsee À livre ouvert drait, e TV-Seerie uf RTS 1, wu si au s Draibuech derfiir gschriibe hän. 2018 hän si Les Dames gmacht.
Ire zweet Spiilfilm My little Sister (Schwesterlein) mit dr Nina Hoss un em Lars Eidinger in dr Hauptrolle isch im Wettbewäärb vu dr Internazionaale Filmfeschtspiil Berlin 2020 in dr Kunkerränz um dr Guldi Bäär glofe.[3]
Uuszaichinge un Bryys
[ändere | Quälltäxt bearbeite]- 1999: Draibuechbryys fir Un jour mon prince…
- 2004: Nominierig Berlin Today Award fir Berlin Backstage bi dr Internazionaale Filmfeschtspiil Berlin
- 2011: Schwyzer Filmbryys Quartz „Beschts Draibuech“ un „Beschte Spiilfilm“ fir La Petite Chambre (Das kleine Zimmer)
- 2015: „Beschti Schauspiileri TV“ fir iri Roll as Christiane in dr Seerie À livre ouvert bi dr Soledurner Filmdääg
Uusglääseni Filmografy
[ändere | Quälltäxt bearbeite]Reschy (mit dr Stéphanie Chuat)
[ändere | Quälltäxt bearbeite]- 1999: Un jour mon prince…
- 2002: Trains de vie
- 2003: Berlin Backstage
- 2005: Gymnase du soir, petites histoires, grandes études
- 2008: Éloge de la biodiversité
- 2009: Buffo, Buten & Howard
- 2010: La Petite Chambre (Das kleine Zimmer)
- 2014: À livre ouvert (6 Episode)
- 2018: Les Dames
- 2020: My little Sister (Schwesterlein)
- 2023: Transatlantic (Fäärnsehserie)
Draibuech (mit dr Stéphanie Chuat)
[ändere | Quälltäxt bearbeite]- 2002: Trains de vie
- 2003: Berlin Backstage
- 2005: Gymnase du soir, petites histoires, grandes études
- 2009: Buffo, Buten & Howard
- 2010: La Petite Chambre (Das kleine Zimmer)
- 2014: À livre ouvert (6 Episode)
- 2018: Les Dames – Immer noch Frau
- 2020: My little Sister (Schwesterlein)
- 2023: Transatlantic (Fäärnsehserie)
Schauspiil
[ändere | Quälltäxt bearbeite]- 2003: Macho blues
- 2007: Les Amours d'Astrée et de Céladon
- 2014: À livre ouvert
- 2015: La vanité
Weblink
[ändere | Quälltäxt bearbeite]- Véronique Reymond in dr Internet Movie Database
- Offiziälli Websyte
Fueßnote
[ändere | Quälltäxt bearbeite]- ↑ SWISS FILMS: Véronique Reymond. Abgruefen am 26. Februar 2020.
- ↑ 2,0 2,1 Véronique Reymond. In: Stéphanie Chuat – Véronique Reymond. 1. Juli 2010, abgruefen am 26. Februar 2020 (änglisch).
- ↑ Schwesterlein | My Little Sister. Internationale Filmfestspiele Berlin 2020, abgruefen am 26. Februar 2020.
![]() |
Dä Artikel basiert uff ere fräie Übersetzig vu dere Version vum Artikel „Véronique_Reymond“ vu de dütsche Wikipedia. E Liste vu de Autore un Versione isch do z finde. |