Hengschdedd
| Wappa | Deitschlandkart | |
|---|---|---|
|
| |
| Basisdata | ||
| Bundesland: | Bade-Wirttebärg | |
| Regierongsbezirk: | Karlsrua | |
| Landkroes: | Calb | |
| Heh: | 505 m i. NHN | |
| Fläch: | 19,2 km² | |
| Eiwohner: |
7963 (31. Dez. 2022)[1] | |
| Bevelkerongsdicht: | 415 Eiwohner je km² | |
| Boschtloetzahl: | 75382 | |
| Vorwahl: | 07051 | |
| Kfz-Kennzoeche: | CW | |
| Gmoedsschlissel: | 08 2 35 007 | |
| Adress vo dr Gmoedsverwaltong: |
Simmozheimer Str. 16 75382 Althengstett | |
| Webpräsenz: | ||
| Schuldes: | Clemens Götz | |
| Lag vo de Gmoed Althengstett em Landkroes Calb | ||
 | ||
| Dialäkt: Schwäbisch |
Hengschdedd ['heŋʃded] (amdlich Althengstett) isch a Gmaende em Landgraes Calb en Bada-Wirddabärg. Zo Hengschdedd ghaered dia drei Flägga Aldhengschdedd, Nuihengschded ond Oddabronn.
Geografi
Hengschdedd leid enn-ra bråeda Daalfleche, zwischa leichde Hiigl, em Ibergang vom Heggagae zom Nordschwarzwald. D Nåchborgmaendena vo Hengschdedd send Bad Liabazäll, Calb, Gächeng, Oschdlsa ond Semmorza.
D Gmarkong sezzd sich zsẽma aus 42,4 % landwirdschafdlichor Fleche, 36,5 % Wald, 19,3 % Siidlongsfleche ond 1,8 % sonsdichor Fleche.
Gschiichd
D aersda Erweenong vo (Ald-)Hengschdedd sdammd vo 1120, aus-ra Urkunde vom Klosdor Hirsao. Seid 1303 ghaered Aldhengsdedd ond Oddabronn zo Wirddabärg. Nuihengschdedd isch dor jengsd Ordsdåel, ǎnna 1699 vo Waldensor ãglegd. Die send dåmåls em Herzogtum Wirddabärg uffgnomma wårda. Am Ãfang hend-se irn Flägga no "Le Bourcet" ghåesa, 1711 isch-or aber en Nuihengsdedd omdaefd wårda. Zor gleicha Zeid hådd s seidhäriche "Hengsdedd" dor Nãma "Aldhengsdedd" griagd. Am 1. Oktobor 1974 send dia bis dånã sälbsdendiche Gmaendena Nuihengsdedd ond Oddabronn zo Aldhengsdedd aegmaended wårda.
Wirdschafd ond Vorkehr
Hengsdedd hådd a graesors Gwärbegebiid diräggd an dor B295 ond sdåd dådurch finanziäll guad då. Vo Ald- ond Nuihengsdedd kommd-mor mid-m Audo en guad faef Menudda en-d Graessdadd Calb. Ogfär 20 Menudda brauchd-s nåch Bebleng ond Sendlfeng. Wäaga de viile graose Firmena dord isch Hengsdedd a Zuazugsgebiid mid viile Auspendlor dordnã wårda. Guad 10 Menudda send-s nåch Weil dor Sdadd; dord geid-s mit dor S6 on S-Bå-Ãschluss nåch Sduagord; d S-Bā brauchd abor 38 Menudda bis ens Zendrom vo Sduagord. Bis 2020 (Sdand 2018) soll d Eisabãlinie Weil dor Sdadd - Calb, 1983 aegsdelld, ondorm Nãma "Hermann-Hesse-Bahn" widor uffgmachd wärda.
Kuldur
En älle drei Ordsdåel geid-s Kendorgäarda ein ausraechendor Zaal, ond jeweils ao a Grondschual. Em Ordsdåel Aldhengsdedd geid-s dorzuanå a graesors Schualzendrum mid Gmaenschafdsschual ond Realschual fir älle Gmaendena vom Vorwaldongsvorband. Zom Dåel ganged ao Schialor vo Calb-Haemada ond Calb-Sdammhaem dordnã. Uff-s Gymansiom gåd-mor nåch Calb-Sdammheam. Älle drei Ordsdåel hend a åegena evangelischa Kirch. D Katholigga ghaered zur katholischa Kirch en Calb-Haemada.
Verwaldong ond Wahla
Hengschdedd hådd sich mid Gächeng, Oschdlsa ond Semmerza zom Gmaendevorwaldongsvorband „Althengstett“ mit Sizz en Hengschdedd zsẽmagschlossa. Ennorhalb vom Graes Calb håesd-mor dia Flägga "Gaegmaendena".
Birgermåesdor vo Hengschdedd isch dor Clemens Götz.
Wahla
Ergäbnis vo de Landdagswahla seid 2006:[2]
| Johr | CDU | Gräane | SPD | FDP | Lennge1 | AfD | Sonschtiche |
| 2016 | 30 % | 27,7 % | 11,8 % | 8,1 % | 1,9 % | 17,4 % | 3,1 % |
| 2011 | 40,4 % | 21,3 % | 21 % | 9,3 % | 1,9 % | 6 % | |
| 2006 | 37,9 % | 21,3 % | 21,6 % | 9,5 % | 3,5 % | 6,1 % |
1 2006: WASG, seid 2011: Die Linke
Was d Kommunalwahla ãbedriffd, hådd-mor 2017 d õächda Dåelsordswahl aagschaffd, dui må seid de Aegmaendonga 1974 golda hådd. S ganze Gmaendegebiid isch jezzd a aehaedlichs Wahlgebiid.
Dialäggd
Dor Dialäggd vo Hengschdedd ghaerd zom Middlschwäbischa. Dromrom hådd-s dåelweis ao scho wäsdschwäbische Flägga[3]. Dia faene Dialäggd-Ondorschiid vorwisched sich aber scho seid Längorem.
Weblink
Commons: Althengstett – Sammlig vo MultimediadateieFuasnooda
- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
- ↑ Die Mundarten Württembergs, Eine heimatkindliche Sprachlehre, Silberburg-Verlag 1928, (in der Reihe: Schwäbische Volkskunde, im Auftrag des württembergischen Kultministeriums herausgeg. v. August Lämmle)
