Hermann II. von Baden

Dialäkt: Undermarkgreflerisch

Dr Markgrof Hermann II. vu Bade (* um 1074; † 7. Oktober 1130) isch Markgrof vu Verona un Bade gsi. Är het dr erscht gsi, wu dr Titel Markgrof vu Bade gfiert, gnännt noch em neje Herrschaftszäntrum uf dr Burg Hochebade (Alts Schloss) in dr hitige Stadt Bade-Bade.

Dr Hermann II. isch dr Suhn vum Hermann I. vu Verona un däm syyre Frau Judith gsi. Syy Vater het in dr zährigische Familie un em vu syym Großvater Berthold I. gfierte (Titular-)Herzogtum Kärnte dr Titel vun eme Markgrof vu Verona gha. Us däre Tradition het dr Hermann zerscht dr Titel vun eme Grof im Bryysgau (1087), dr Titel vun eme Markgrof vu Limburg (um 1100), un ab 1122 het er sich noch em neje Zäntrum Bade gnännt.

D Uusbildig vu däm neje Zäntrum goht uf dr Uusglyych zwische dr Staufer un dr Zähriger um s Herzogtum Schwobe zruck, wu dr Hermann II. derno anne 1098 vum Chaiser Bade-Bade un d Vogtei iber s Chloschter Gelz iberchuu het. Do het er derno mit em Böu vu dr Burg Hochebade aagfange uf dr Grundmuure vun eme alte keltische Ringwall.

Fir d Iberdragig vum Markgrofe-Titel uf Bade het s wahrschyns e wichtigi Roll gspilt, ass er dodermit dr herzogliche Rang vu syym Unkel Berthold II. un däm syym Vetter Konrad ufgwärtet het. Dr Hermann het derno dr Titel Dominus in Baden, comes Brisgaviae, marchio de Verona (Herr z Bade, Grof vum Bryysgau, Markgrof vu Verona) gfiert.

Dr Hermann II. het zämme mit syyre Frau Judith vu Bagene s Auguschtiner-Chorherrestift z Bagene grindet as Grablegi un Memorial vu syyre Familie un het s 1123 - wohl noch em Dod vu syyre Frau - mit wytere Bsitzige uusgstattet. Dr Hermann II. isch au do begrabe wore. Uf syyre Grabblatte stoht uf Latyynisch:

"In däre Tumba lyt dr Markgrof Hermann vu Bade, wu dr Grinder vu däm Chloschter un däm Tempel gsi isch. Är isch gstorbe im Johr döusert vermehrt um hundert un drejmol zeh vum Chind aa, wu di frumm Jumpfere uf d Wält brocht het. Wun ere mit syyne Noofahre dohär iberdrair woren isch, sin fufzehhundert Johr vergange gsi, derzue zeh mitsamt drej." Quälle: Stiftschilchegmei Bagene.

As Markgrof vu Bade fiert dr Hermann d Ornigszahl I, as Dreger vum Name Hermann in dr Familie d Ornigszahl II. Do wird di letscht Zellig brucht.

Us dr Eh zwisch em Hermann II. un dr Judith vu Bagene sin die Chinder fiirigange:

• Hermann († 16. Jänner 1160), isch dr Noofolger vu syym Vater as Markgrof gsi.
• Judit († 1162) ∞ Herzog Ulrich I. vu Kärnte († 1144)

Lueg au

• Markgrofschaft Bade

Literatur

• Lamke, Florian: Die frühen Markgrafen von Baden, die Hessonen und die Zähringer. Zeitschrift für die Geschichte des Oberrheins 154 (2006) (ISSN 0044-2607) S. 21 - 42.

Weblinks

• genealogie-mittelalter.de
• Grablegi vu dr Markgrofe in dr Stiftschilche Bagene (Site cha nüme abgrüeft wärde; Suche im Webarchiv)[1] [2] Vorlage:Toter Link/www.landeskunde-online.de
• Markgrofe vu Bade uf Landeskunde online

Vorgänger Hermann I.

Markgrofschaft Bade 1074–1130

Nochfolger Hermann III.

Dä Artikel basiert uff ere fräie Übersetzig vu dere Version vum Artikel „Hermann_II._von_Baden“ vu de dütsche Wikipedia. E Liste vu de Autore un Versione isch do z finde.