Buebedorf

Bubendorf
	Wappe vo Bubendorf
Basisdate
Staat:	Schwiiz
Kanton:	Basel-Landschaft (BL)
Bezirk:	Liestal
BFS-Nr.:	2823
Poschtleitzahl:	4416
UN/LOCODE:	CH BUB
Koordinate:	622428 / 255388Koordinate: 47° 26′ 56″ N, 7° 44′ 10″ O; CH1903: 622428 / 255388
Höchi:	372 m ü. M.
Flächi:	10,81 km²
Iiwohner:	4439 (31. Dezämber 2022)
Website:	www.bubendorf.bl.ch
Charte
	Charte vo Bubendorf

E aglüegti Version vo derre Site, wo am 20. Februar 2019 freige worre isch, basiert uff derre Version.

Dialäkt: Baseldytsch

Buebedorf ([ˈbuəbədəf], hochdytsch Bubendorf) isch e politischi Gmeind im Bezirk Lieschtel vom Kanton Basel-Landschaft in dr Schwiiz.

Lag

Bligg vom Lieschtler Schleifebärg uff Buebedorf

Buebedorf liggt uff 375 m. ü. M. im Tal vo dr Hintere Fränke. S Dorf liggt ganz am Afang vom Reigoldswilertal (Feuflibertal) grad noch dr Verzwigig vom Waldeburger- und em Reigoldswilertal bi Bad Buebedorf. S Dorf isch mit zwei Buslinie (AAGL) vo Lieschtel här erschlosse. Im Bad Buebedorf haltet s Waldeburgerli.

Nochbergmeinde sin Lieschtel (talabwärts), Lause (ännet em Bärg im Ergolztal), Ramschbrg (uff em Bärg), Höllschtä (ännet em Bärg im Waldeburgertal), Lambebrg (uff em Bärg), Niiderdorf (ännet em Bärg im Waldeburgertal), Arbetschwyl (uff em Bärg), Ziefe (talufwärts), Lupsige (uff em Bärg) und Sältisbärg (uff em Bärg).

Wappe

S Wappe kunnt vo de Herre vo Buebedorf und stellt e schwarz-silber teilts Schild dar mit emene schräge Spitzeschnitt als Trennig.

Gschicht

In Buebedorf sin Gräber vo de Kelte und de Alemanne entdeckt worde. Au d Reemer sin scho durch dr hyttig Gmeinibann zoge: Me hett Räscht vonere römische Stroos und enere Brugg gfunde.

S erscht mol wird Buebedorf im Johr 1239 urkundlig erwähnt.

In ere Urkunde uss em 13. Joorhundert stoht, dass Buebedorf em Graf vo dr Frohburg gheert hett und 1399 zur Domprobschtei Basel ko isch.

S Schloss Wildestai - s'einzige erhaltene Höheschloss im Baselbiet - isch vo de Eptiger im 13. Joorhundert baut worde und isch bim grosse Ärdbebe vo Basel beschädigt worde. Es hett druffabe meereri Moll dr Bsitzer gwächslet. Hytte gheert s Schloss mitsamt em Buurehof em Kanton Basel-Landschaft.

Sehenswürdigkeite

Pfarrchile mit alte Wappeschiibe
Bad Buebedorf, ehemooligi Bade- und Kurastalt, hytte Hotel und Reschtorong.
Schloss Wildestai, mit gwaltige uralte Eiche und emene Wasserfall mit Tropfstai

Literatur

Hans-Rudolf Heyer: Die Kunstdenkmäler des Kantons Basel-Landschaft, Band II: Der Bezirk Liestal. Hrsg. von der Gesellschaft für Schweizerische Kunstgeschichte GSK. Bern 1974 (Kunstdenkmäler der Schweiz Band 62). ISBN 3-7643-0727-7. S. 42–104.

Weblink

Offizielli Website (vom Kanton betreut)
Achtig, Buebedorf hett kei eigeständige Internetufftritt, www.bubendorf.ch isch nid d Website vor Gmeind.
Hans-Rudolf Heyer: Buebedorf. In: Historisches Lexikon vo dr Schwiiz.

Fuessnote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

Dä Artikel basiert uff ere fräie Übersetzig vum Artikel „Bubendorf“ vu de dütsche Wikipedia. E Liste vu de Autore un Versione isch do z finde.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1]