Belgie

	Koninkrijk België (Niiderländisch); Royaume de Belgique (Französisch); Königreich Belgien (Dütsch);
Flagge vo Belgie	Wappe vo Belgie
Fahne	Wappe
	Wahlspruch: Eendracht maakt macht (ndl.) ; L'union fait la force (frz.) ; Einigkeit macht stark (dt.) ;
Amtsspraach	Niderländisch, Französisch und Dütsch
Hauptstadt	Brüssel
Staatsoberhaupt	König Philippe
Regierigschef	Minischterpresidänt Charles Michel
Flächi	30.528 km²
Iiwohnerzahl	10.584.534 (2007)
Bevölkerigsdichti	345 Iiwohner pro km²
Bruttoinlandsprodukt pro Iiwohner	42.557 US$ (17.)
Währig	(€) 1 Euro = 100 Cent
Unabhängigkeit	4. Oktober 1830 (Proklamation) ; 19. April 1839 (internationali Aerkennig)
Nationalhimne	Brabançonne
Nationalfiirtig	21. Juli (Tag vo de Vereidigung vom erste belgische König, em Leopold I.)
Kfz-Kennzeiche	B
Internet-TLD	.be
Vorwahl	+32

E aglüegti Version vo derre Site, wo am 24. Septämber 2015 freige worre isch, basiert uff derre Version.

Belgie (niderländisch België, französisch Belgique, dütsch Belgien), offiziell Königriich Belgie (ndl. Koninkrijk België, frz. Royaume de Belgique, dt. Königreich Belgien), isch en Staat z Europa. Er ligt im Weschte vom Kontinent a de Nordsee. Nachbarländer sin di Niderlande, Dütschland, Luxemburg un Frankriich. Belgie isch eis vo de Gründigsmitglider vo de Europäische Wirtschaftsgmeinschaft (EWG), wo hüt Europäischi Union (EU) heisst. Di Inschtitution het i de belgische Hauptschtadt Brüssel ihre Sitz. Zämme mit de Niderlande un Luxemburg bildet Belgie de Verbund vo de Benelux-Staate.

Land un Iwohner

Sit sinere Unabhängigkeit im Johr 1830 un de Verfassig vo 1831 isch Belgie e parlamentarischi Monarchii. S Land het drei Sprachgruppe un s Zämmeläbe vo denne isch nöd immer eifach. D niderländisch sprechende Flame, wo im Norde vom Land läbbe, wei meh Eigeschtändigkeit, wovor di ärmere französischsprachige Wallone im Süde Angscht hei. Derzu chunnt no e dütschi Sprachgruppe im Oschte vom Land. D Hauptschtadt Brüssel isch offiziell zweischprachig. Sit de 1970er Johr versuecht ma z Belgie d Schpannige durch e Dezentralisirig ab zbaue. So het me de Schtaat 1993 in en Bundesschtaat umgwandelt. Gliichwohl isch d Politik im Land sit Jahre glähmt, weil de Schtriit immer no nöd biiglegt isch.

Di drei Sprochgmeinschafte vo Belgie sin i de flämische, de französischsprachige un de dütsche Gemeinschaft organisirt. Es git drei Regione; Brüssel-Hoptstadt, Flandere, wo me Flämisch redt, und Wallonie, wo me Französisch redt. Brüssel isch provinzfrei und die deutschsprachig Gmeinschaft ghört zu Wallonie.

Als Verwaltigseinheite bestönd zää Provinze und 43 Arrondissements (dt. Bezirk). Di lokali Sälbstverwaltig werd vo de 589 Gmeinde usgüebt.

Geographi

De geographisch Mittelpunkt isch z Nil-Saint-Vincent (Gmeind Walhain)
D höchschti Erhebig isch de Signal de Botrange (694 m im Hohe Venn)
Di höchscht glegeni Ortschaft isch Mürringen (655 m) ^[1]

Belgie isch witgehend es flachs Land. Numme im Südoschte vom Land hets es Mittelgebirge, d Ardenne. D Küste isch uugfähr 72 km lang. 25 Prozent vo de Landflächi wird für d Landwirtschaft bruucht. Ugfähr 95 Prozent vo allne Belgier läbet in Schtädt.

Di wichtigschte Flüss un Kanäl vom Land sin: