Winterschlaf

Dr europäisch Igel

As Winterschloof oder Hibernation bezeichnet mä e schloofähnlige Zuestand, wo bestimmti endothermi oder homoiothermi Dier – mänggi Süüger und e baar Vögel wie z. B. die amerikanischi Winternachtschwalbe – dri verfalle während dr chalte Johresziit und drbii ihri Körpertemperatur abesetze. E baar Winterschlööfer wie Flädermüüs, Siibeschlööfer und Haselmüüs wurde stärbe, wenn mä se mit Gwalt am Schloofe wurd hindere. Dachs und Hamster chönne ohn d Winterschloofphase überläbe.

Dr ächti Winterschlööfer verwandlet sich sozusäge im Herbst vom ene Warmblüeter in e Chaltblüeter, und si Körpertemperatur fallt öbbe bis uf d Umgäbigstemperatur ab. Währed dere Ziit wärde s Schnuufe und dr Härzschlag langsamer. D Energi, wo s bruucht zum d Läbensfunktione vom Winterschlööfer während dr johresziitlige Schloofphase ufrächt z erhalte, chunnt us de Fettdepots, won er sich währed em Summer aagfrässe het.

Einzelni Süüger (wie d Flädermüüs) halte e underbrochnige Winterschloof, anderi (wie dr Siibeschlööfer, d Haselmuus, dr Igel oder s Murmeli) hai e Winterschloof wo lang duur und numen e baarmol churz underbroche wird. Im Gegesatz zu de Winterschlööfer git s anderi Dier, wie d Wiibärgschnägge, won e Summerschloof halte wäge dr Wermi und em Mangel an Wasser.

Mit dr ziitlige Organisation vom Winterschloof beschäftigt sich d Chronobiologi.

Litratur

• Martin Eisentraut: Der Winterschlaf mit seinen ökologischen und physiologischen Begleiterscheinungen. Jena 1956.
• Ralf Elvert: Kardiorespiratorische und metabolische Reaktionen während des Eintritts in den Winterschlaf beim Siebenschläfer Glis glis. Görich und Weiershäuser, Marburg 2001, ISBN 3-89703-480-8
• Gerhard Körtner: Winterschlaf und seine Auswirkungen auf den Energiehaushalt beim Alpenmurmeltier (Marmota marmota). Diss. Marburg 1991.
• Erwin Kulzer: Winterschlaf. Mit 7 Tabellen. Staatliches Museum für Naturkunde, Stuttgart 1981.
• Paul Raths: Tiere im Winterschlaf. Leipzig ²1977, 1979.

Weblingg

• Linkliste zu Winterschloof und Winterrueh vo dr ETH Züri
• "Leben auf Sparflamme" Naturschutz heute – Usgob 4/01 vom 26. Oktober 2001
• "Die zeitliche Organisation des Winterschlafs beim Europäischen Feldhamster (Cricetus cricetus L.)" uf dr Websiite vo dr Uni Mainz

Dä Artikel basiert uff ere fräie Übbersetzig vu dere Version vum Artikel „Winterschlaf“ vu de dütsche Wikipedia. E Liste vu de Autore un Versione isch do z finde.