Radioaktivität

E aglüegti Version vo derre Site, wo am 30. Novämber 2008 freige worre isch, basiert uff derre Version.

Radioaktivität isch en Eigusachaft fa Element.

Entstehig

Im Normalfall wirkunt im Chäru fanä Atom Kräft, wa die Protonä und Neutronä zemmu hent. Der Kraft seit mu Chärukraft. Der Chäru ist stabil. Aber mit sumä Element mit hocher Ordnigszahl chäment d'Chärnä instabil, d.h. d'Chärukräft längunt nimmä, fär d'Elementarteilini (di Protonä und Neutronä) zämmu z'ha. D.h. Der Chäru zerfallt. Dem seit mu Radioaktivität. Radioaktiv sind im Periodusystem fanä Element alle Elemänt ab Ordnigszahl 84, aber eu d'Element 61 und 43.

Artä

Es git dri Artä va Radioaktivität; Alpha, Beta -und Gammastrahlig.

Alphastrahlig

Bi dr Alphastrahlig git dr Chäru Alphateilini ab. Alphateilini sind Heliumchärä. Alphastrahlig isch sehr schwach. Schi chunt nit emal durch es Blatt Papier.

Betastrahlig

Bi dr Betatrahlig entsteit im Chäru es negativ gladus Elektron. Das Elektron isch es Betateili. Dr Chäru git ds Elektron ab und so entsteit Betastrahlig. Für Betastrahlig ufzhaltu, brüchts mehreri Zentimeter Stal.

Gammastrahlig

Gamastrahlig entsteit sie mit anderer Strahlig. Dr Chäru git hie kei Teilini ab, sondern an elektromagnetische Wälla. Es brücht mehreri Meter Beton, fer Gammastrahlig ganz zabsorbieru.

Zerfall

Zerfallt en Chäru radioaktiv, de verändrut schich dr Chäru. Und zwar so lang, bis der Chäru wieder stabil isch. Aber inera natürlichu Zerfallsreihä sind Alpha -und Betastrahlig immer gmischlut und sie gits eu Gammastrahlig, d.h. dr Prozess geit lang. Da wichtig isch d'Halwärtzit. Das isch di Ziit, wa ds Element brücht, fer sich uf d'Hälfti z'reduzieru. Die Hälbwertziit isch va Element zu Element sehr unerschiedlich. Bi summe sinds Bruchteili fänerä Sekunda, mit andere Millionä va Jahr.

Vorchommu

Radioaktivität cha natürlich oder künstlich vorcho. Jede Körper, va Mänsch und va tier strahlt. Au d'Ärdkrusta und dr Kosmus tinent Strahlu. Aber dr Mänsch chat eu selber Radioaktvität erschaffu.

Fridlichi Nutzig

Iner Medizin brücht mu Radioaktvität fer Diagnosä und Therapiä. Iner Diagnosä brücht mu radioaktivi Glucosa, Röntgustrahlä und gwissi Strahlä fer d'Unersüchig va Chnochä. Mu cha mit Radioaktivität eu Tumor behandlu oder Strahlutherapi machu.

Iner Chärnkraft gwinnt mu mit Radioaktivität viel Energi. Di Energi wird durch Spaltig erzigt. Mit Granitstäb chamu di ganz Sach kontrullieru. Mu beschiesst d' Chärnä mit kleinä Teilini. Es bildent schich zwei Chärnä und zwei Gschossi und viel Energi. Aber eu mit Chärufusion gits viel Energi. Das isch das, wa ständig ufer Sunna passiert. Es git eu eis Chraftwärk ufer Ärda.

Findlichi Nutzig

Kontrolliert mu d'Spaltig nit, so wird z'Ganza gfehrli. Jetzt redä wer vanera Atombomba. Durch d'unkontrolliert Spaltig wird viel Energi fri, es bildut schich en Druckwälla und en Atompilz.