Leo II. (Byzanz)

Leo II. (Byzanz)
Kaiser vom Byzantinische Riich
Münze us dr Regierigszit vom Leo II. und em Zenon
Regierigsziit	18. Januar 474 – 17. Novämber 474
Name	Flavius Leo Junior Augustus
Titel	Konsul vom Römische Riich, 474
Uf d Wält cho	467
Gstorbe	17. Novämber 474
Vorgänger	Leo I.
Nochfolger	Zenon

Dr Leo II. (middelgriech. Λέων Β′, * August/Septämber 467; † Novämber 474) isch im Joor 474 e churzi Zit byzantinische Kaiser gsi.

Dr Leo isch dr Soon vom Zenon und dr Ariadne, dr Dochder vom Leo I. und dr Verina gsi. Nochdäm dr Caesar Patricius besitigt gsi isch, isch dr Leo as dr neggst männlig Verwandti vom Leo I. im Oktober 472 zum Caesar und Dronfolger erhoobe worde. E Joor druf, woorschiinlig am 17. Novämber 473, isch dr Bueb zum Augustus und Mitkaiser ernennt worde.

Noch em Dood vo sim Groossvater am 18. Januar 474 het dr jung Leo nominell d Elläiherrschaft übernoo, aber scho am 29. Januar het er si Vater Zenon zum Mitkaiser kröönt. Dr Leo isch im Novämber 474 noch zää Möönet as Kaiser an ere umbekannte Chrankhet gstorbe und und het dr Zenon as Elläiherrscher im Oste hinderloo.

Liddratuur

• Brian Croke: The Imperial Reigns of Leo II. In: Byzantinische Zeitschrift 96, 2003, S. 559–575, ISSN 0007-7704.

Weblingg

• Hugh Elton: Fachwüsseschaftligi Churzbiografii uf Änglisch us De Imperatoribus Romanis (inkl. Liddratuuraagoobe).

Vorgänger Leo I.

Kaiser vo Byzanz 474

Nochfolger Zenon

Dä Artikel basiert uff ere fräie Übersetzig vum Artikel „Leo_II._(Byzanz)“ vu de dütsche Wikipedia. E Liste vu de Autore un Versione isch do z finde.