Quälltext vu Regionaler Naturpark Lothringen aaluege

{{DISPLAYTITLE:Dr Regionali Naturpark Lothringe}}
[[Datei:Parc naturel régional de Lorraine.svg|thumb|upright=0.5|S Logo vom Naturpark]]
Dr '''Regionali Naturpark Lothringe''' ({{frS|''Parc naturel régional de Lorraine''}}) lit in dr franzöösische Region [[Lothringen|Lothringe]] in de Departemänt [[Département Meuse|Meuse]], [[Département Meurthe-et-Moselle|Meurthe-et-Moselle]] und [[Département Moselle|Moselle]].

== Geografii ==
Dr Park bestoot us zwäi Gebiet, wo vonenander drennt si. Dr westlig Abschnitt wird vo de Flüss [[Maas]] und [[Mosel]] begränzt und chunnt im Süde bis öbbe zur geografische Bräiti vo [[Nancy]], im Norde bis zu dere vo [[Metz]]. Dr östlig Abschnitt umfasst s Gebiet zwüsche [[Seille (Mosel)|Seille]] und [[Saar]] westlig vo [[Saarburg (Lothringen)|Sarrebourg]].

== D Parkverwaltig ==
D Parkverwaltig het iire Sitz z [[Pont-à-Mousson]] ({{Coordinate|text=DMS |article=DMS |NS=48/54/28/N |EW=6/3/21/E |type=landmark |pop= |elevation= |dim= |name= |region=FR-54}}).

Dr Naturpark isch 1974 gründet worde, umfasst e Flechi vo öbbe 220'000 Hektare und en Iizugsgebiet mit öbbe 72'000 Iiwooner in 193 Gmäinde. Acht Zuegangsort si mit em Park assoziiert, wo usserhalb vom Park lige:
{|
| width="50%" valign="top"|
'''West-Abschnitt:'''
* [[Commercy]]
* [[Jarny]]
* [[Pont-à-Mousson]]
* [[Saint-Mihiel]]
* [[Toul]]

| width="50%" valign="top"|
'''Ost-Abschnitt:'''
* [[Château-Salins]]
* [[Dieuze]]
* [[Saarburg (Lothringen)|Sarrebourg]]
|}

== Landschafte ==
Im westlige Abschnitt isch dr Höhezug [[Côtes de Meuse]], wo östlig dr [[Maas]] nooch goot. Er isch vo dichte Wälder bewaggse, wäärend dr Höhezug zum Daal vo dr Mosel ([[Côtes de Moselle]]) eender agrarisch, vor allem für e Wiibau gnutzt wird. Drzwüsche lige die markante Ebene vo [[Woëvre]] und [[Haye (Landschaft)|Haye]], wo bsundrigs vo iirem [[Kalk|chalchhaltige]] Undergrund brägt si. Do het s rund um e [[Lac de Madine]] au e baar Füüchtgebiet.

Im östlige Abschnitt dominiert s Seägebiet [[Pays des Étangs]] mit de groosse Seä ''Étang de [[Lindre-Basse|Lindre]]'', ''Grand Étang de [[Mittersheim]]'' und ''Étang de [[Gondrexange]]'', wo au vom Schifffaartskanal [[Canal de la Marne au Rhin]] und em [[Saarkanal]], wo im See abzwigt, durflosse wird. Witer westlig lit d Landschaft ''Salzgau'' (Pays du [[Saulnois]]), wo früener [[Speisesalz|Salz]] abbaut worden isch, was em Gebiet si Naame gee het.

== Lääbensrüüm ==
Im Park het s e Hufe Füechtgebiet mit Bäch und [[Fluss|Flüss]], aber au [[See|Seeè]], Däich und Sümpf. Bemerkenswärt isch, ass es salzhaltigi Dümpel git. Do waggst en [[Endemit|endemischi]] Form vom [[Europäischer Queller|Öiropäische Kweller]] (Salicorne de Lorraine). E Hufe Moorpflanze, Schilf und Füechtmattene si en ideale Lääbensruum für e vilfältigi [[Fauna]]. 

Uf 34 Brozänt vom Gebiet stoot Wald, wo vor allem [[Buchen|Bueche]] und [[Eichen|Äiche]] waggse.

Uf de gröössere Ebene waggst Chalchdrocherase, wo bsundrigs de Pflanze, wo d Wermi gärn häi wie [[Orchideen|Orchideä]] und [[Enziangewächse|Enziangwäggs]], günstigi Lääbensbedingige bietet und au de Insekte wie dr [[Europäische Gottesanbeterin|Gottesaabätere]], dr Bärg-[[Zikade]] und Reptilie wie [[Schlangen|Schlange]] und [[Echte Eidechsen|Äidäggse]].

E Hufe Arte vo [[Fledermäuse|Fläädermüüs]] lääbe in ehemoligi milidäärischi Aalage und Höölene.

== Seenswürdigkäite ==
[[Datei:Montsec monument.jpg|thumb|right|S Monumänt vo Montsec]]
* Dr Hügel vo Montsec {{Anker|Hügel von Montsec}}
:Dr ''Hügel vo Montsec'' (fr: Butte de Montsec) befindet sich uf em Territorium vo dr Gmäind [[Montsec]], wo aber gnau ggnoo en [[Exklave]] isch und nit zum Beriich vom Naturpark zelt. Uf em Spitz vom Hügel, uf ere Hööchi vo 377 Meter, befindet sich e Monumänt zum Gedänke an d Offensive vo dr amerikanische Armee gege [[Saint-Mihiel]] im [[Erster Weltkrieg|Erste Wältchrieg]]. S Dänkmol isch as [[Monument historique]] klassifiziert.
* D Burg vo Pierrefort 
:D [[Burg]] vo Pierrefort (fr: Château fort de Pierrefort) isch vom Pierre de Bar 1306 baut worde. Si lit hüte im Gebiet vo dr Gmäind [[Martincourt (Meurthe-et-Moselle)|Martincourt]] und mä cha Räst vo dr Iifriidig gsee, e deckte Weergang, Portalvorbaute und rundi Dürm.
* S Akwedukt über d Mosel
:S [[Aquädukt|Akwedukt]], wo früener [[Metz]] vo [[Gorze]] us mit Wasser versorgt het, isch e [[römisches Reich|röömischs]] Akwedukt, wo gegen e Aafang vom zwäite Joorhundert baur worde isch. Es isch as ''Monument historique'' klassifiziert.

<gallery>
  Datei:La côte de Meuse depuis la butte de Montsec.JPG|Blick vom Hügel vo Montsec uf d Côtes de Meuse
  Datei:TarquimpolIndre.jpg|dr Étang de Lindre
  Datei:Roman aqueduct (Ars-sur-Moselle).jpg|s römische Akwedukt bi Ars-sur-Moselle
  Datei:Moselle Pont-a-Mousson.jpg|d Mosel bi Pont-à-Mousson
</gallery>

== Weblingg ==
* [https://www.pnr-lorraine.com/ dr regionali Naturpark Lothringe] (franzöösisch, englisch un dütsch)

{{Übersetzungshinweis|1=de|2=Regionaler_Naturpark_Lothringen|3=dütsch|4=101029759}}
{{Normdaten}}
[[Kategorie:Geografii vo Lothringe]]
[[Kategorie:Naturschutzgebiet (Frankriich)]]
[[Kategorie:Monument historique z Lothringe]]