D Pitcairninsle

D Pitcairninsle (ängl.: Pitcairn Islands) si en isoliert glägeni Inselgruppe im südöstlige Pazifik. Politisch sin si es britische Überseegebiet. Nume die zweitgrössti Insle, Pitcairn, isch bewohnt.

Pitcairn Islands Pitkern Ailen Pitcairninsle
{{{ARTIKEL-FLAGGE}}} {{{ARTIKEL-WAPPEN}}}
Amtsspraach	Änglisch, Pitkern
Hauptstadt	Adamstown
Staatsoberhaupt	Charles III. vertrete dur Generalgouverneurin Iona Thomas
Regierigschef	Bürgermeister Mike Warren
Flächi	47 km²
Iiwohnerzahl	50 (Stand 2008)
Bevölkerigsdichti	1 Iiwohner pro km²
Währig	Neuseeland-Dollar
Nationalhimne	God Save the King
Zitzone	UTC -8
Kfz-Kennzeiche	PN
Internet-TLD	. pn
Vorwahl	+649

Briefmarke vo dr britische Post

Briefmarke vo dr britische Post

Geographii

Dr Archipel bestoht us vier Insle:

Name	Typ	Landflechi (km²)	Gsamtflechi (km²)*	Bev. 2007	Koordinate
Ducie	Atoll	0,7	3,9	—	24° 40′ 9″ S, 124° 47′ 11″ W-24.669166666667-124.78638888889
Henderson	Koralleninsel	37,3	37,3	—	24° 22′ 1″ S, 128° 18′ 57″ W-24.366944444444-128.31583333333
Oeno	Atoll	0,65	16,65	—	23° 55′ 26″ S, 130° 44′ 3″ W-23.923888888889-130.73416666667
Pitcairn	Vulkaninsle	4,6	4,6	48	25° 4′ 0″ S, 130° 6′ 0″ W-25.066666666667-130.1

^*inkluisiv d Lagune vo de Atoll

Bevölkerig

D Iiwohner vo Pitcairn si überwiegend Nochfahre vo de Meuterer vo dr Bounty und ihre polynesische Fraue. D Insle Oeno, Henderson und Ducie si unbewohnt.

Dr Hauptort vo de Pitcairninsle isch Adamstown und mit öbbe 40 Iiwohnern, dr zweitchliinsti Hauptort uf dr Wält. Dr Ort isch noch em letzte überläbende Bounty-Meuterer, em John Adams, benennt. No 1948 het Adamstown 220 Iiwohner gha. Sit Johrzähnte sinkt aber d Iiwohnerzahl die ganz Zit, wil jüngeri, guet usbildeti Inselbewohner hüfig uf Neuseeland, Australie und ins Vereinigte Königriich abwandere, wil s brueflig und gsellschaftlig wenig Perspektive git uf Pitcairn.

Gschicht

D Hauptinsle Pitcairn isch am 2. Juli 1767 vom britische Seekadett Robert Pitcairn, em Sohn vom Marineoffizier John Pitcairn, für Europa entdeckt worde und isch sit 1838 e britischi Chronkolonii.

Uf e Befähl vom britische Konsul uf Tahiti, em R. T. Simons, isch 1902 e Kutter vo Pitcairn uf Oeno, Henderson, und Ducie gseglet, zum die Insle in s britische Königriich iizgliidere.

In de 1980er Johr het e amerikanische Multimillionär welle d Insle vom Vereinigte Königriich chaufe, zum se für touristischi Zwäck z nutze, so hätt u. a. e Flugplatz uf Henderson sötte baut wärde.

Weblingg

 Commons: Pitcairninseln – Sammlig vo Multimediadateie

 Wikimedia-Atlas: Pitcairninseln – geographischi un historischi Charte

• Netzpublikation vo Pitcairn (ängl.)
• Charte vo de Insle Oeno, Ducie, Henderson (NOAA) (ängl.)

-25.066666666667-130.1