Matstette
Matstette (amtlech Mattstetten) isch e politischi Gmeind im Verwautigschreis Bärn-Mittuland im Kanton Bärn.
| Matstette | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Bärn-Mittuland |
| BFS-Nr.: | 0543 |
| Poschtleitzahl: | 3322 |
| Koordinate: | 605700 / 208745 |
| Höchi: | 516 m ü. M. |
| Flächi: | 3.8 km² |
| Iiwohner: | 589 (31. Dezämber 2022)[1] |
| Website: | www.mattstetten.ch |
 am Dorfbrunne | |
| Charte | |
 | |
Geografi
ändereMatstette isch es Dorf im Urtenetal. D Urtene isch e Bach, wo usem Moossee flüsst und bi Schalune id Ämme mündet. D Gmeindsflächi isch nid gross; si heti nur öpe 4 Kwadratkilometer. Us het druff 49,9 Prozänt langwirtschaftlechi Flächi, 33,8 Prozänt Waud, 15,6 Prozänt Sidligsflächi u 0,8 Prozänt anders Areal.[2] D Nachburgmeinde vo Matstette si Iegischtoorf, Münchringe, Hingubank, Bäriswiu, Chrouchtu, Bouige u Urtene-Schömbüeu.
Im Süüde goot dr Gmeindbann imene schmale Zipfel um Bäriswil ume bis uf s Grauholz, wo dr Matstetterbärg isch. S «Matstettertürli» isch am Wääg uf Bollige.
Gschicht
ändereS Dorf goot uf ene Sidlig vo de Alemanne öpen im 6. oder 7. Joorhundert zrugg.
Matstette isch zum erschte Mal gnennt worde im Jahr 1201 aus Mahtsteten. Bis zum 31. Dezämber 2009 het d Gmeind zum Bezirk Froubrunne ghört.
Ane 1857 het Matstette en eigete Baanhof übercho, wo a dr Ysebaanlinie vo Bärn uf Burtlef gsi isch. Bim grosse nazionale Ysebaanprojäkt «Baan 2000» isch dr Name vo Matstette algemein bekant worde; do foot dr Abschnidd «Neuboustrecki Matstette-Rootrischt» aa. A dere neue Schnällbaanstrecki, wo ane 2004 ufgangen isch, lyt uf em Gmeindgebiet vo Matstette s Nordportaal vom Grauholzdunnel.
Ywohner
ändereQuäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 244 | 234 | 257 | 307 | 301 | 256 | 313 | 347 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 360 | 341 | 346 | 347 | 400 | 539 | 610 | 583 |
Dr Uusländeraateil isch 2010 bi 2,8 % gläge.[2]
Religion
ändere77,4 % vo de Ywohner si evangelisch-reformiert, 15,6 % si römisch-katholisch (Stang 2000).[2]
Politik
ändereBi de Nationauraatswahle 2011 het s das Ergebnis ggää:[2] BDP 17,7 %, CVP 3,3 %, EVP 4,7 %, FDP 10,0 %. GLP 3,6 %, GP 9,4 %, SP 11,8 %, SVP 29,3 %, Suschtigi 10,2 %.
Gmeindspresidänt vo Matstette isch dr Christian Haueter-Läser (Stang 2018).
Sprach u Dialäkt
ändereBir Vouchszeuuig 2000 hei vo de 583 Ywohner 97,1 % Dütsch aus Houptsprach aaggää, 0,7 % Französisch u 0,3 % Italienisch.[2]
Dr Dialäkt vo Matstette ghört zum Hochalemannisch.
Weblink
ändere
Commons: Mattstetten – Sammlig vo Multimediadateie- Website vo dr Gmeind Mattstette
- Anne-Marie Dubler: Matstette. In: Historisches Lexikon vo dr Schwiiz.
Fuessnote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 2,4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
