Fédération Internationale de Ski
D Fédération Internationale de Ski (abkürzt FIS) isch dr internazionaali Schi-Verband. Dr Sitz vom Verband befindet sich z Ooberhoofe am Thunersee in dr Schwiz. D Abchürzig FIS wird in alle Sprooche benützt. Dr FIS isch zueständig für e Bräite- und au für e Spitzesport, zum Bispil het si d Reegle erloo, wie mä sich uf Schipiste muess verhalte.
| Fédération Internationale de Ski | |
|---|---|
| Gründet | 1924 |
| Gründigsort | Chamonix-Mont-Blanc, Frankriich
|
| Bresidänt |  Johan Eliasch
|
| Veräin | 132 (Stand: 2018)[1] |
| Verbandssitz | Ooberhoofe am Thunersee, Schwiz
|
| Offizielli Sprooch(e) | Änglisch, Franzöösisch, Dütsch und Russisch[2] |
| Website | www.fis-ski.com |
Zur Zit si 132 Mitgliidverbänd aagschlosse (Stand: 2018).[1]
Wettkampfserie
ändereWältgöp
ändereDr Wältgöp isch die höggsti vo de FIS-Wettkampfserie. In de Sportarte, won er din veranstaltet wird, git s näben em Gsamtwältgöp, dr sogenannte „Groosse Kristallchuugele“, no Wältgöp in de äinzelne Diszipline, die sogenannte „Chliine Kristallchuugele“. En Usnaam bildet dr Grasschi-Wältgöp, wo nume d Gsamtsiiger e Wältgöptrofäe überchömme. Für d Nazioone- oder Tiimwältgöp wärde d Wärtige vo de Fraue undde Manne zsämmegrächnet.
Underklassigi Renne
ändereÄänlig wie bi de Groosseräigniss git s au underklassigi Wettkampfserie. Näbe de Kontinentalgöp (im alpiine Schisport bsundrigs dr Öiropagöp und dr Nor-Am Cup) und em Schilanglauf-Marathon-Göp zelle au FIS-Renne drzue und dr B-Wältgöp, wo in mängge Diszipliine usdräit wird. In dr Nordische Kombinazioon het sich bis zur Säson 2007/2008 e Süsteem etabliert, wo d Athlete je noch iirer Läistig vom B-Wältgöp zum A-Wältgöp häi chönne ufstiige oder bi schlächte abgstiige si.
Weblingg
ändere
Commons: Fédération Internationale de Ski – Sammlig vo Multimediadateie- Offizielli Website vo dr FIS (änglisch)
- Offizielli Website vo dr FIS zum Schispringe (änglisch)
- FIS – Kopf eines unbehelligten Milliarden-Sportkartells – Kurz Pfitzer Wolf & Partner
Fuessnoote
ändere- ↑ 1,0 1,1 About the International Ski Federation (FIS). In: About FIS. 17. Septämber 2018. Uf FIS-Ski.com (änglisch), abgrüeft am 29. Oktober 2019.
- ↑ FIS Statutes 2018. In: Statutes & General Regulations. 4. Januar 2019. Uf FIS-Ski.com (PDF; 446 KB, S. 37), abgrüeft am 29. Oktober 2019.