Binnige

Binningen
	Wappe vo Binningen
Basisdate
Staat:	Schwiiz
Kanton:	Basel-Landschaft (BL)
Bezirk:	Arlesheim
BFS-Nr.:	2765
Poschtleitzahl:	4102
Koordinate:	609643 / 264742Koordinate: 47° 32′ 0″ N, 7° 34′ 0″ O; CH1903: 609643 / 264742
Höchi:	292 m ü. M.
Flächi:	4.43 km²
Iiwohner:	15'631 (31. Dezämber 2022)
Website:	www.binningen.ch
Charte
	Charte vo Binningen

Binnige (offiziell Hochdütsch: Binningen) isch e politischi Gmeind im Bezirk Arlese im Kanton Basel-Landschaft in dr Schwiiz.

Dialäkt: Baaseldütsch

Geographii

Binnige lit im Leimedal uf 292 m ü.M. und isch die letzti Gmeind am Fluss Birsig, bevor dä z Basel in Rhii fliesst. Sini Nachbergmeinde si im Süde Bottmige, im Südweste Oberwil, im Weste Allschwil und im Norde und Oste d Stadt Basel. Binnige het en änge Kontakt zur Stadt und isch beliebt as Wohngegend. D Flechi vom Gmeindigebiet bedreit 4.43 km², drvo si 68% Siedlige, 23% Landwirtschaftszone und 9% Wald.

Wappe

Uf eme silbrige Grund isch e schwarze Pfahl mit drei silbrige Stärn

S Gmeindiwappe goht uf s Familiewappe vo dr Basler Familie «vo Binnige», wo vo 1292 bis 1300 bezügt isch, zrugg. Es isch im Jahr 1921 vo dr Gmeind überno worde.

Gschicht

Zwüschen em 11. und em 14. Johrhundert daucht dr Name vo dr Gmeind in verschiidene Variante uf, z. B. as «Binnengin» oder as «Biningin». Im Johr 2004 het Binnige die eltisti Nennig vom Ortsname in ere Urkund us em Johr 1004 mit eme grosse Fest under em Motto: "Botz 1000" gfiirt.

Bevölkerig

33% vo dr Bevölkerig si reformiert und 27% römisch-katholisch. Dr Usländeradeil bedrait 20.4%.

Bevölkerigsentwicklig^[2]
Johr	1585	1774	1815	1850	1900	1950	1970	2000
Iiwohner	25	325	627	1’229	5’135	7’846	15’344	13’977

Restaurant Schloss Binnige

Sehnswürdigkeite

s Schloss Binnige, en ehemoligs Weiherschloss, wo im 13. Jahrhundert baut worden isch, es ghört dr Iiwohnergmeind und isch sit 1870 e Beiz
d Chille zu St. Margarethe uf em Margarethehügel
s Holeeschloss vo 1550
s Restaurant Neubad, en ehemoligs Badhuus us em Johr 1765
s Ortsmuseum
d Monteverdi Car Collection, s grösst Schwiizer Autimuseum

Kultur

Sit 1993 verastaltet dr Verein „Comitato - Arte & Cultura Binningen/Bottmingen“ d Kunstusstellig "Arte". Si findet jede Herbst statt und het sich von ere lokale zun ere Usstellig mit internationaler Bedeiligung und themenbezogene Sonderusstellige entwigglet.

Sport

Sport wird in dr Gmeind ganz gross gschriibe. S Hallebad Spiigelfäld isch e Dräffpunggt für Jung und Alt und bietet näben em normale Schwümme zahlriichi anderi Sportmöglichkeite aa. Es git vili Verein für divärsi Sportarte. Dr SC Binnige isch wohrschiinlig dr bekanntist Schuttklub im Leimedal. Dr Handballclub HB Blau Boys Binningen ghört zsämme mit dn Partnerverein us Oberwil und Therwil zu de grösste Verein in dr Nordwestschwiiz. Under em Label HSG Leimedal si die interregionale Team ufgfüehrt. Au d Liichtathletik-Riige Binnige bietet qualitativ hochstehends Training a.

Persönlichkeite

Curt Goetz (1888–1960), Schauspiiler, Schriftsteller, Dreihbuechautor und Regisseur; het siiner Autobiographii „Die Memoiren des Peterhans von Binningen“ gsait.
Otto Brunner, Schwiizer Kommunist und Bataillonskommandeur im Spanischei Bürgerchrieg, z Binnige uf d Wält cho
Otto Abt (1903–1982), Moler, z Binnige uf d Wält cho
Peter Monteverdi (1934–1998), Autobauer, z Binnige uf d Wält cho
René C. Jäggi (* 1948), Undernähmer, läbt z Binnige
Claude Janiak (* 1948), Awalt, Politiker (Sozialdemokratische Partei der Schweiz), Nationalrotspräsident 2006
Claude Cueni (* 1956), Schriftsteller, läbt z Binnige
Griot, eigetlig Mory Kondé, e Rapper, z Binnige ufgwachse
Florian Senn, Musiker und Bandmitglied bi de Lovebugs, z Binnige ufgwachse
Thomas Rechberger, Musiker und Bandmitglied bi de Lovebugs, z Binnige ufgwachse

Literatur

Hans-Rudolf Heyer: Die Kunstdenkmäler des Kantons Basel-Landschaft. Band I: Der Bezirk Arlesheim, mit Kantonseinleitung. (= Kunstdenkmäler der Schweiz. Band 57). Hrsg. von der Gesellschaft für Schweizerische Kunstgeschichte GSK. Bern 1969, DNB 457321989.
Beat von Scarpatetti u. a.: Binningen – die Geschichte. (= Quellen und Forschungen zur Geschichte und Landeskunde des Kantons Basel-Landschaft. Band 85). Verlag des Kantons Basel-Landschaft, Liestal 2004, ISBN 3-85673-278-0.

Weblink

Commons: Binnige – Sammlig vo Multimediadateie

Offizielle Website vo dr Gmeind Binnige
Binnige
Paul Gutzwiller und Brigitta Strub: Binningen In: Historisches Lexikon vo dr Schwiiz.
Schloss Binnige (Restaurant und Hotel)
Holeeschloss uf dr Websiite Altbasel
HSG Leimedal e Handball-Spiilgmeinschaft vo de Verein HB Blau Boys Binnige, HC Oberwil und HC Therwil für e interregional Bedriib

Fuessnote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
↑ Historisches Lexikon der Schweiz

Dä Artikel basiert uff ere fräie Übersetzig vum Artikel „Binningen“ vu de dütsche Wikipedia. E Liste vu de Autore un Versione isch do z finde.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[2] Historisches Lexikon der Schweiz

[1]

[2]