Lidija Burčak

D Lidija Burčak (* 1983 z Winterthur) isch e Schwyzer Filmmacheri un Autori.

Lääbe

D Burčak isch z Winterthur ufgwagse. Iri Eltere sin vu Jugoslaawie in d Schwyz yygwanderet. No dr Schuel het si d Grundbildig zur Chauffrau (KV) gmacht. No dr Lehrabschlusspriefig (LAP) un dr Beruefsmaturiteetsschuel (BMS) isch si uf di Kantonaal Maturiteetsschuel fir Erwagseni (KME) z Züri gange un het deert d Matuura gmacht.

Derno het si vu 2009 bis 2013 z Züri un z Berlin Populeeri Kultuure, Filmwisseschaft un Slaawischi Sproochwisseschaft studiert un mit em Bachelor of Arts abgschlosse. Vu 2016 bis 2018 het si nocherdani z London Visuälli Anthropology studiert un mit em Master of Arts abgschlosse.

Syterhär schafft si as freii Filmmacheri, Schurnalischti un Autoori.

D Burčak het as jung Maidli Chind aafang Daagbuech schryybe. Aafangs no uf Hoochdytsch, het si s schließli uf Schwyzerdytsch gschriibe, dr Sprooch, wu si in dr Schuel un uf dr Strooß gleert het (in ire Familie het mer Serbokroatisch gschwätzt). En Uuswaal us rem Daagbuech het si anne 2016 im Verlaag Der gesunde Menschenversand unter em Titel Nöd us Zucker vereffetligt. Doodin bschrybt si iri Lääbe un iri Gfiel as Juugedligi un jungi Frau un as Seconda in dr Schwyz. S Buech isch en Erfolg woore un si isch in vyyl Schwyzer Stedt gsii go drus voorlääse.

Fir s Luzerner Kultuurmagaziin 041 schrybt si Kolumne.

Uusglääseni Filmografy

• Meine Welt und der Rest (2012, Reschy)
• Dengeln, Super 8 und anderes altes Zeug (2015, Reschy, Brodukzioon, Draibuech, Kamera, Toon)
• Olivia - a Friendship (2016)
• Flat mood moment (2017)
• Sarma & Skype (2017)
• A translator with a camera (2018)
• Broken Skin (2019, Reschy, Brodukzioon, Schnitt)
• Blinde Welt (2024)
• Psychedelika in der Therapie (2023)

Schrifte

• Nöd us Zucker. Tagebuchtexte edition spoken script 45. Der gesunde Menschenversand, 2022, ISBN 978-3-03853-128-9

Weblink

• Websyte vu dr Lidija Burčak
• Melanie Biedermann: Autorin Lidija Burčak: «Ich habe keine Lust mehr, konstant meine Selbstzweifel zu bekämpfen», Interview, Annabelle, 22. Oktober 2022
• Lidija Burčak uf swissfilms.ch