Theodor Mommsen
Theodor Mommsen | |
---|---|
![]() | |
Gebore | Christian Matthias Theodor Mommsen 30 November 1817 |
Sterf | 1 November 1903 |
Nasionaliteit | ![]() |
Beroep | Klassieke geleerde, regsgeleerde, historikus |
Ouer(s) | Georg Friedrich Kellner Barbara Wilhelmine née Vaigle |
Christian Matthias Theodor Mommsen (30 November 1817 – 1 November, 1903) was 'n Duitse leraar in die klassieke werke, en historikus, algemeen beskou as die belangrikste klassikus van die 19de eeu. Sy werk omtrent die Romeinse geskiedenis is vandag nog uiters belangrik vir navorsing oor die onderwerp. Hy het die Nobelprys vir Letterkunde ontvang in 1902,[1] en was 'n vooraanstaande Duitse politikus, as 'n lid van beide die Pruisiese en Duitse parlemente.
Kort lewensgeskiedenis
[wysig | wysig bron]![](http://upload.wikimedia.org/wikipedia/commons/thumb/c/ca/Theodor_Mommsen_by_Ludwig_Knaus_%281881%29.jpg/170px-Theodor_Mommsen_by_Ludwig_Knaus_%281881%29.jpg)
Mommsen is in Garding in Sleeswyk gebore ('n Duitse staat op die grens tussen Duitsland en Denemarke), en het grootgeword in Bad Oldesloe in dieselfde staat. Hy was eers 'n hoogleraar in geskiedenis aan die Universiteit van Leipzig, het toe lid geword van die Akademie van Wetenskappe in Berlyn in 1858, en daarna hoogleraar in Romeinse geskiedenis aan die Universiteit van Berlyn in 1861.
Hy het talle eerbewyse ontvang vir sy wetenskaplike prestasies: die "Blou Max", Pruise se hoogste militêre eerbewys in 1868; ereburgerskap van Rome; en die Nobelprys, een van weinige nie-fiksieskrywers om dié toekenning te verwerf.
Wetenskaplike werke
[wysig | wysig bron]- Die geskiedenis van Rome: Die werk verskyn in drie volumes tussen 1854 en 1856, en dek die Romeinse geskiedenis tot aan die einde van die Romeinse republiek en die heerskappy van Julius Caesar.
- Romeinse grondwetlike reg: (1871-1888)
- Romeinse strafreg (1899), en
- meer as 1 500 verdere werke en verhandelinge oor ander individuele onderwerpe.
Nobelprysfeite
[wysig | wysig bron]Mommsen was beide die oudste persoon om ooit die Letterkundeprys te verower (hy was 85 jaar oud) en ook die persoon met die vroegste geboortedatum (1817).
Bronnelys
[wysig | wysig bron]- Hierdie artikel is 'n gedeeltelike vertaling van die Engelse Wikipedia artikel, Theodor Mommsen.
- Wilhelm Weber, Theodor Mommsen (1929)
- W. Warde Fowler, Theodor Mommsen: His Life and Work (1909)
- Mommsen, Theodor: Römische Geschichte. 8 Volumes. dtv, München 2001. ISBN 3-423-59055-6
- Heuß, Alfred: Theodor Mommsen und das 19. Jahrhundert. Kiel 1956; reprinted Stuttgart 1996. ISBN 3-515-06966-6
- Wickert, Lothar: Theodor Mommsen. 4 volumes. Frankfurt/Main, 1959?1980.
- Rebenich, Stefan: Theodor Mommsen: eine Biographie. Beck, München 2002. ISBN 3-406-49295-9
Verwysings
[wysig | wysig bron]- ↑ "The Nobel Prize in Literature 1902" (in Engels). Nobelprize.org. Geargiveer vanaf die oorspronklike op 2 Julie 2018. Besoek op 7 Oktober 2017.
Eksterne skakels
[wysig | wysig bron]![]() |
Wikimedia Commons bevat media in verband met Theodor Mommsen. |
- Nobelprys biografie Geargiveer 29 April 2006 op Wayback Machine
- 'n Mommsen biografie Geargiveer 24 Augustus 2014 op Wayback Machine