Sof Omar-grotte
Sof Omar-grotte | |
---|---|
![]() Die Pilaarkamer in die Sof Omar-grotte.
| |
Ligging | Bale-provinsië ![]() |
Koördinate | 6°54′22.7″N 40°50′41.6″O / 6.906306°N 40.844889°O |
Lengte | 15,1 km |
Ontdek | 1897 |
![](http://upload.wikimedia.org/wikipedia/commons/thumb/b/b9/Ayiew_Maco.jpg/180px-Ayiew_Maco.jpg)
Sof Omar is ’n stelsel grotte wat op 15,1 km die langste in Ethiopië is. Toe dit in 1972 gemeet is, was dit die langste in Afrika, maar sedertdien is langer grotte in Algerië (Tafnariviergrot, 18,4 km) en Madagaskar (Krokodilgrot, 18,1 km) ontdek.[1] Die grotte is geleë oos van Robe in die Balesone van die Oromia-streek in Suidoos-Ethiopië, waardeur die Weyibrivier (Gestrorivier) vloei.[2] Dit sak ondergronds by die Ayiew Maco-ingang en verskyn weer bogronds by Holuca sowat 1 km van daar. Volgens tradisie was Sof Omar ’n Moslemheilige wat in die gebied gewoon het en Ayiew die naam van sy dogter. Maco en Holuca is plaaslike terme vir onderskeidelik "naam" en "grot". Dit is al lank ’n godsdienssentrum en is heilig vir beide Moslems en plaaslike Oromo's. Die grotte is bekend vir hulle pilare, veral in die "Pilaarkamer".
Topografie
[wysig | wysig bron]As ’n mens van Goro na Sof Omar reis, daal die struikgewas steil met 90 m in ’n kloof af. Die Weyibrivier loop van die 4 300 m hoë Balberge deur ’n 150 km breë rif van kalksteen na die grot. Vroeër het die rivier skerp na links gekronkel, maar in ’n stadium het die kalksteen opgelos en ’n reeks deurgange gevorm wat groot genoeg geword het vir die hele Webrivier om deur te loop. Uiteindelik het die rivier die kronkelpad verlaat en ’n droë vallei geskep wat van Ayiew Maco tot by Holuca loop. Die dorpie Sof Omar is naby Ayiew Maco in die droë vallei geleë.
Nog ’n dominante verskynsel is ’n groot sinkgat van 100 m breed en 60 m diep wat in die basaltplato reg bo die grotte voorkom.
Verwysings
[wysig | wysig bron]- ↑ Guden, Bob. "World's Longest Caves". Caver Bob. Besoek op 5 November 2020.
- ↑ http://www.bookrags.com/tandf/sof-omar-cave-ethiopia-tf/#p2000a3339960656001[dooie skakel] Encyclopedia of Caves and Karst Science
Skakels
[wysig | wysig bron]Wikimedia Commons het meer media in die kategorie Sof Omar-grotte.
Hierdie artikel is in sy geheel of gedeeltelik uit die Engelse Wikipedia vertaal.