Peter Townsend
![](http://upload.wikimedia.org/wikipedia/commons/thumb/1/18/Peter_Townsend_%281914-1995%29.jpg/200px-Peter_Townsend_%281914-1995%29.jpg)
![](http://upload.wikimedia.org/wikipedia/commons/thumb/e/ee/%C3%98vrevold._Peter_Townsend_-_L0060_922Fo30141701170180.jpg/200px-%C3%98vrevold._Peter_Townsend_-_L0060_922Fo30141701170180.jpg)
Kolonel Peter Wooldridge Townsend GBR CVO DSO DFC (22 November 1914 - 19 Junie 1995) was 'n Britse lugmagoffisier en skrywer. Hy was van 1944 tot 1952 die stalmeester van koning George VI en van 1952 tot 1953 van koningin Elizabeth II. Hy is veral bekend daarvoor dat hy 'n romantiese verbintenis met prinses Margaret, die koningin se jongste suster, gehad het.
Biografie
[wysig | wysig bron]Townsend is in Rangoen, Birma, gebore as die seun van luitenant-kolonel Edward Copleston Townsend van die Indiese weermag[1] en sy vrou, Gladys.[2][3] Hy het in 1933 by die Britse lugmag aangesluit.[4] Hy is op 27 Januarie 1937 tot vlugoffisier bevorder,[5] en op 27 Januarie 1939 tot vlugluitenant.[6]
Ná 'n suksesvolle lugmagloopbaan is Townsend in 1944 as tydelike stalmeester van koning George VI aangestel.[7] Hy was in die 1930's die toekomstige koning se vlieginstrukteur.[8] In dieselfde jaar is hy permanent aangestel en hy het die posisie beklee tot 1953, toe hy aangestel is as ekstra stalmeester,[9] 'n ereposisie, wat hy tot met sy dood beklee het.
In Augustus 1950 het Townsend adjudant van die koninklike huishouding geword en in 1952 kontroleur van die koninginmoeder.[10] Op 1 Januarie 1953 is hy bevorder tot kolonel,[11] en hy het in dieselfde jaar uit diens van die koninklike huishouding getree.
Townsend was van 1953 tot 1956 lugattaché in Brussel. Hy het in 1970 gesê hy en Margaret het nie aan mekaar geskryf of mekaar gesien sedert 'n "vriendelike" ontmoeting in 1958 nie, "net soos ek dink baie mense nooit hulle eksmeisies sien nie".[12]
Later in sy lewe het Townsend niefiksieboeke geskryf. Sy boeke sluit in Earth My Friend, Duel of Eagles, The Odds Against Us, The Last Emperor, The Girl in the White Ship, The Postman of Nagasaki en Time and Chance.
Persoonlike lewe
[wysig | wysig bron]Op 17 Julie 1941 het Townsend getrou met (Cecil) Rosemary Pawle. Hulle het twee seuns, Giles en Hugo, gehad. Ná hulle egskeiding het Townsend en prinses Margaret besluit om te trou. Hy het haar ontmoet as stalmeester van haar pa, koning George VI. Geskeide mense kon nie in die Kerk van Engeland hertrou as hulle vorige gade nog gelewe het nie. Hulle verhouding was veral omstrede omdat Margaret se suster, koningin Elizabeth, die hoof van die Kerk was.[13]
Toe nuus oor die verhouding bekend word, het die regering Townsend na Brussel gestuur as lugattaché in die Britse ambassade. Op 31 Oktober 1955 het prinses Margaret 'n verklaring uitgereik waarin sy die verhouding beëindig het. Die BBC het sy skedule onderbreek om die verklaring uit te saai.[14][15]
In 1959, op 45-jarige ouderdom, het Townsend getrou met die 20-jarige Marie-Luce Jamagne, 'n Belgiese burger wat hy die vorige jaar ontmoet het.[16] Hulle het twee dogters en 'n seun gehad.
Townsend is in 1995 aan maagkanker oorlede. Hy was 80 jaar oud.
Verwysings
[wysig | wysig bron]- ↑ Barrymaine, Norman (1958). The Peter Townsend Story. E. P. Dutton Ltd., p. 19.
- ↑ Haileybury Register 1862–1910, Haileybury and Imperial Service College, 1910, p. 191
- ↑ "Townsend, Group Captain Peter Wooldridge". Who Was Who. Oxford University Press. April 2014. Besoek op 19 November 2016.
- ↑ "No. 34197". The London Gazette. 10 September 1935. p. 5743.
- ↑ "No. 34374". The London Gazette. 20 Februarie 1937. p. 1260.
- ↑ "No. 34598". The London Gazette. 14 Februarie 1939. p. 1072.
- ↑ "No. 36425". The London Gazette. 14 Maart 1944. p. 1229.
- ↑ "WHO IS TOWNSEND?". Australian Women's Weekly. 23 Maart 1955. Besoek op 25 Oktober 2021.
- ↑ "No. 39904". The London Gazette. 3 Julie 1953. p. 3676.
- ↑ "No. 38983". The London Gazette. 1 Augustus 1950. p. 3953.
- ↑ "No. 39739". The London Gazette. 30 Desember 1952. p. 53.
- ↑ "Townsend's Hurt of Rejection Healed". Desert Sun. UPI. 4 September 1970. p. 8. Besoek op 7 November 2020.
- ↑ Frost, Katie (8 Desember 2017). "Princess Margaret and Peter Townsend's Love Affair – The Real Story of Margaret & Captain Townsend". www.townandcountrymag.com (in Engels (VSA)). Besoek op 10 April 2021.
- ↑ "1955: Princess Margaret cancels wedding". "On This Day", BBC.
- ↑ Nikkhah, Roya (7 November 2009). "Princess Margaret: recently unearthed letter sheds new light on decision not to marry". The Daily Telegraph.
- ↑ Gregory, Joseph R. (2 Februarie 2002). "Princess Margaret Dies at 71; Sister of Queen Elizabeth Had a Troubled Life". The New York Times. Besoek op 1 Julie 2013.
Skakels
[wysig | wysig bron]Wikimedia Commons het meer media in die kategorie Peter Townsend.
Hierdie artikel is in sy geheel of gedeeltelik uit die Engelse Wikipedia vertaal.