Jack Nicholson
Jack Nicholson | |
![]() | |
Nicholson in 2001.
| |
Geboortenaam | John Joseph Nicholson |
---|---|
Geboorte | 22 April 1937 |
Kinders | 5 |
Aktiewe jare | 1957–2010 |
John Joseph "Jack" Nicholson (gebore 22 April 1937) is ’n Amerikaanse akteur en rolprentmaker wat amper 60 jaar lank aktief was. Hy is bekend daarvoor dat hy ’n groot verskeidenheid hoof- en byspelerrolle vertolk het, wat insluit satiriese komedie, romantiese flieks en donker uitbeeldings van psigopatiese karakters. In baie van sy flieks speel hy die buitestander, bitter swerwer en iemand wat teen die sosiale struktuur in opstand kom.[1]
![](http://upload.wikimedia.org/wikipedia/commons/thumb/b/b0/Jack_Nicholson_-_1976_%28new%29.jpg/160px-Jack_Nicholson_-_1976_%28new%29.jpg)
Nicholson se 12 Oscar-benoemings maak hom die manlike akteur wat die meeste benoem is. Hy het die Oscar vir beste akteur twee keer gewen, vir die drama One Flew Over the Cuckoo's Nest (1975) en die romantiese komedie As Good as It Gets (1997). Hy het ook die Oscar vir beste manlike byspeler gewen vir die komediedrama Terms of Endearment (1983). Hy is een van net drie manlike akteurs wat drie Oscars gewen het.
Nicholson is een van net twee akteurs wat in elke dekade van die 1960's tot die 2000's vir ’n Oscar vir toneelspel benoem is; die ander een is Michael Caine. Hy het ook ses Golden Globes gewen en die Kennedysentrum-eerbewys in 2001 ontvang. In 1994 was hy een van die jongste akteurs wat die American Film Institute se prys vir lewenslange bydrae ontvang het.
Ander flieks waarin hy gesig gewys het, sluit in Easy Rider (1969), die drama Five Easy Pieces (1970), die komediedrama The Last Detail (1973), die neo-noir-raaiselfliek Chinatown (1974), die epiese prent Reds (1981) en die regsdrama A Few Good Men (1992). Hy was Jack Torrance in Stanley Kubrick se riller The Shining (1980), die Joker in Batman (1989) en Frank Costello in Martin Scorsese se neo-noir-misdaaddrama The Departed (2006)
Sien ook
[wysig | wysig bron]Verwysings
[wysig | wysig bron]- ↑ Katz, Ephraim. The Film Encyclopedia, HarperCollins (2012) ble. 1079-1080