Abel van Denemarke
Abel | |
---|---|
Koning van Denemarke | |
![]() | |
Periode | 1 November 1250 – 29 Junie 1252 |
Voorganger | Erik IV |
Opvolger | Christoffel I |
Huis | Estridsen |
Vrou | Mechtild van Holstein |
Kinders | Waldemar III, Hertog van Sleeswyk Sophie Erik I, Hertog van Sleeswyk Abel |
Vader | Waldemar II |
Moeder | Berengária van Portugal |
Gebore | 1218 |
Oorlede | 29 Junie 1252 |
Abel (1218 – 29 Junie 1252) was van 1232 tot 1252 die Hertog van Sleeswyk en van 1 November 1250 tot met sy dood koning van Denemarke. Hy was die seun van koning Waldemar II en sy tweede vrou, Berengária van Portugal, en die broer van konings Erik IV en Christoffel I.[1]
As die Hertog van Sleeswyk het hy vasgesit met sy broer, koning Erik IV, en daar is vermoed dat hy by sy moord in 1250 betrokke was. Nadat hy ’n eed afgelê het dat hy onskuldig is, is hy as koning gekies. Ná ’n kort bewind is hy vermoor tydens ’n militêre ekspedisie in Friesland.
Abel se bewind was die kortste van enige Deense koning.
Vroeë lewe
[wysig | wysig bron]Toe sy ouer broer, Erik, in 1232 gekies is as koning en medeheerser van sy pa, koning Waldemar II, is Abel gekies as Erik se opvolger as Hertog van Sleeswyk.
In 1237 het hy getrou met Mechtild van Holstein, ’n dogter van Adolf IV, Graaf van Holstein. Met die dood van Waldemar II in 1241 het Abel se broer koning Erik IV geword. In die volgende paar jaar het Abel teen sy broer geveg en probeer om onafhanklikheid vir Sleeswyk te verkry.
In 1249, nadat Erik die grensfort Rendsburg teen Estland gaan verdedig het, het Abel hom gevra om in sy huis in Sleeswyk oor te bly. Hy is daar gevange geneem en met ’n byl onthoof.
Koning
[wysig | wysig bron]Abel het gesweer hy het niks met die moord te doen gehad nie. Nadat hy ’n eed afgelê het om homself te verontskuldig, is Abel op 1 November 1250 as koning gekies, maar daar is algemeen geglo dat hy agter die moord gesit het.
Hy het net ’n jaar en ’n half regeer. Abel het gehoor die kleinboere in Friesland weier om belasting te betaal. Hy het ’n leër byeengebring om hulle te gaan straf. Op 29 Junie 1252 is hy op 33-jarige ouderdom naby Eiderstedt vermoor.
In dié stadium is Abel se jong seun, Waldemar, deur die aartsbiskop van Keulen as gyselaar gehou en Abel se jongste broer, Christoffel I, is op Kersdag 1252 as koning gekroon.
Huwelik en kinders
[wysig | wysig bron]By sy vrou, Mechtild van Holstein, met wie hy op 25 April 1237 getrou het, het Abel vier kinders gehad: Waldemar III, Hertog van Sleeswyk, Sophie, Erik I, Hertog van Sleeswyk en Abel.
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Abel of Denmark
- ↑ Hartley, Mick. The Duke of Schleswig-Holstein-Sonderburg-Glücksburg. 27 September 2007. 14 Februarie 2008 http://mickhartley.typepad.com/blog/2007/09/the-duke-of-sch.html.