Majuba-kragstasie
Majuba-kragstasie is 'n kragsentrale tussen Volksrust en Amersfoort in Mpumalanga, Suid-Afrika. Die kragsentrale is steenkool-aangedrewe en word deur Eskom bedryf. Dit is Eskom se enigste kragstasie wat nie aan 'n spesifieke myn gekoppel is nie en sy steenkool vanuit verskillende bronne ontvang.
Konstruksie aan die sentrale het in September 1983 begin. Die eerste eenheid is in April 1996 aan die netwerk gekoppel. Die laaste eenheid is teen April 2001 in werking gestel. Die Zaaihoekdam voorsien die sentrale van water.
Majuba het drie 665 MW droë-verkoelde eenhede en drie 716 MW nat-afgekoelde eenhede met 'n totale geïnstalleerde kapasiteit van 4 110 MW en 'n turbine Maksimum Deurlopende Waardering van 35,3% op die droë-verkoelde turbines en 37,7% op die nat-afgekoelde eenhede.[1]
Benewens steenkool word Majuba deur syngas aangedryf wat deur ondergrondse vergassing by 'n nabygeleë proefaanleg verkry word. Die proefaanleg lewer 3 000 tot 5 000 kubieke meter gas per uur. Die gas word met 'n 7-kilometer pyplyn met 'n deursnee van 600 mm na die kragstasie vervoer.[2][3][4]
Die kragstasie was in November 2014 in die nuus nadat 'n steenkoolsilo in duie gestort het. Dit het tot die toepassing van landswye beurtkrag gelei. Na bewering is toenemende vibrasie sedert Januarie 2014 in die silo waargeneem, wat tot die verswakking van die struktuur gelei het.[5]
Verwysings
[wysig | wysig bron]- ↑ "Majuba Power Station" (in Engels). Eskom. Geargiveer vanaf die oorspronklike op 16 September 2019. Besoek op 2 November 2014.
- ↑ "ESKOM's underground coal gasification project" (PDF). European Commission. 5 Mei 2008. Besoek op 4 September 2011.[dooie skakel]
- ↑ Venter, Irma (12 Februarie 2007). "Coal experts search for ways to cut emissions". Mining Weekly. Creamer Media. Besoek op 4 September 2011.
- ↑ Hannah, Jessica (12 Augustus 2011). "Coal gasification demo plant design study under way". Mining Weekly. Creamer Media. Besoek op 4 September 2011.
- ↑ Eskom was glo bewus van probleme met silo, Maroela Media, 3 November 2014
Eksterne skakels
[wysig | wysig bron]- Inligting oor Majuba-kragstasie op Eskom se tuisblad Geargiveer 27 September 2011 op Wayback Machine