As-Saffat

الصافات   Soera 37 van die Koran
Klassifikasie	Mekkaans
In Arabies	As-Sâffât
In Afrikaans	"Hulle Wat In Rye Georden Is"
Deel	23
Ajat	182

As-Sâffât (Arabies: الصافات, "Hulle Wat In Rye Georden Is") is die 37ste soera, of hoofstuk, van die Koran. Dit bevat 182 ajat, of verse, en is vermoedelik in Mekka aan Mohammed geopenbaar.

Opsomming

Hoewel dit As-Sâffât genoem word, is die algemene tema van die hoofstuk die eenheid van God en Sy mag om te beloon en te straf. Daar is uitbreidings oor die straf van ongelowiges en belonings aan gelowiges op die oordeelsdag, maar ook God se voorbeelde van hoe 'n ware gelowige behoort te wees deur verhale van Bybelse figure. Een aspek van die soera wat tot die naam daarvan kon gelei het, is dat dit 'n waarskuwing bevat aan die mense wat beweer God het kinders, veral die heidene wat glo die engele is die dogters van God. "Hulle Wat In Rye Georden Is" verwys na die engele wat op die oordeelsdag in rye sal staan en die idee weerlê dat hulle dogters van God is (sien vers 1-5).

Die soera kan in drie dele opgedeel word na aanleiding van een eienskap van Arabiese poësie algemeen bekend as "driedelige verdeling". Die eerste deel strek van vers 1 tot 74, die tweede deel van vers 75 tot 148 en die laaste deel van vers 149 tot 182.

Vers 1-74: profesie van die laaste dinge

Vers 1-10 is 'n voorspelling van die oordeelsdag. Daar sal engele in rye staan en die idee van die eenheid van God oordra (vers 1-6) en ongelowiges sal verdryf word. Vers 11-74 onthul die beskrywing van die oordeelsdag, insluitende van die dinamika daarvan in die fynste besonderhede. Van vers 11-39 is daar 'n beskrywing van die ondervinding van die ongelowiges, asook van vers 40-57 'n kontrasterende ondervinding van die gelowiges, wat bly is hulle is nie in die ongelowiges se plek nie.

Jona en die groot vis in die antieke werk Jami' al-tawarikh.

In vers 58-74 is daar nog 'n beskrywing van die ongelowiges se ondervinding. In vers 62-69 word 'n spesifieke boom genoem: die boom van Zakkoem, waarvan die vrugte mense in die hel se leiding sal vererger.

Vers 75-148: Vroeë boodskappers van God

In die vroeë Mekkaanse soeras was daar geen melding van die vroeë boodskappers van God soos hulle in die Bybel teenwoordig is nie, maar van die middelste Mekkaanse tydperk af is hulle geleidelik ingebring om te vertel van hulle groot belonings in die hiernamaals. Veral in dié deel word 'n paar Bybelse figure genoem, asook spesifieke dade waarvoor hulle grootliks beloon is. Dit begin met Noag en sy ark, asook Jona en die groot vis wat hom ingesluk het. Daar is ook vertellings van Abraham, Moses, Aäron, Elia en Lot vir dieselfde doel: om klem te lê op God se belonings aan sy ware diensknegte (vers 121).

Vers 149-182: die oordeelsdag

In dié laaste deel sien ons die oordeelsdag. Nes in die begin genoem word, is daar inderdaad engele in rye wat God prys. Die soera begin dus by 'n punt en keer aan die einde na dieselfde punt terug, en so word 'n sirkel voltooi.

Skakels

• Hierdie artikel is in sy geheel of gedeeltelik uit die Engelse Wikipedia vertaal.

Vorige soera: Yasin	Die Koran	Volgende soera: Sad
	Soera As-Saffat
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114