Herbert I van Vermandois
| Herbert I van Vermandois | |
Graaf van Soissons
| |
| Voorafgegaan deur | posisie vasgestel |
|---|---|
| Opgevolg deur | Herbert II van Vermandois |
Graaf van Vermandois
| |
| Voorafgegaan deur | Pepin II |
| Opgevolg deur | Herbert II van Vermandois |
Graaf van Meaux
| |
| Voorafgegaan deur | Tetbert, Graaf van Theodebert |
| Opgevolg deur | Herbert II van Vermandois |
Persoonlike besonderhede
| |
| Kind(ers) | Béatrice van Vermandois Herbert II van Vermandois |
Herbert I (gebore omstreeks 848/850; sterf 907) of Heribertus I, was Graaf van Vermandois, Meaux, en Soissons. Hy was ook 'n leke-abt aan Saint-Quentin. Hy was 'n Karolingiese aristokraat, en het 'n betekenisvolle rol gespeel in Frankia.
Herbert was die seun van Pepyn van Vermandois en 'n agterkleinseun van Pepyn van Italië, seun van Charlemagne en 'n moontlike matrilineêre afstammeling van die Nibelungids. Sy vroeë lewe was onbekend. Herbert het voor 889 graaf van Soissons geword en is waarskynlik daarmee vertrou om Oise teen Wiking-indringers te verdedig. Hy was 'n tydgenoot van Boudewyn II van Vlaandere en het sodoende die voordeel gehad om 'n Karolingiër te wees, 'n agterkleinseun van Pepyn van Italië, seun van Charlemagne.[1] Herbert het beide St. Quentin en Péronne beheer, en sy aktiwiteite in die boloop van die riviervallei van die Sommerivier, soos byvoorbeeld die vangs en moord (eerder dan 'n losprys) van sy broer Raoul in 896, kon daartoe bygedra het dat Boudewyn 11 hom in 907 laat vermoor het.[2]
Herbert 1 het 'n huweliksalliansie met Robert van Boergondië aangegaan. Hiervolgens sou sy dogter, Béatrice van Vermandois, Robert se tweede vrou word.[1] As deel van hierdie pakt het Herbert ook daartoe ingestem dat sy seun, Herbert II van Vermandois, met Adela, Robert se dogter by sy eerste vrou, trou.[1] 'n Ander dogter, Cunegonda, is getroud met Odo van Wetterau.[3]
Kinders
Moontlik by 'n sekere Bertha:
- Beatrice van Vermandois (omstreeks 880- ná 26 Maart 931), getroud met Robert van Boergondië. Grootmoeder van Hugo Capet, Koning van Frankryk van 987 tot 996
- Herbert II van Vermandois (sterf 943), getroud met Adela van Neustrië
- Cunegonda van Vermandois, getroud met Odo van Wetterau (omstreeks 895-949)
Notas
- ↑ 1,0 1,1 1,2 Dunbabin 2000, p. 95.
- ↑ Riché 1993, p. 236.
- ↑ McKitterick 1999, p. 360-361.
Verwysings
- Dunbabin, Jean (2000). France in the making, 843-1180. Oxford University Press.
- McKitterick, Rosamond (1999). The Frankish Kingdoms under the Carolingians. Pearson Education Limited.
- Riché, Pierre (1993). The Carolingians; A Family who Forged Europe. Vertaal deur Allen, Michael Idomir. University of Pennsylvania Press.
Voorouers
| Voorouers van Herbert I van Vermandois (850-907) | |||||
|---|---|---|---|---|---|
| Oorgrootouers | Pepyn van Italië (777-810) ∞ ? (-) |
? (-) ∞ ? (-) |
? (-) ∞ ? (-) |
? (-) ∞ ? (-) | |
| Grootouers | Bernhard van Italië (797-818) ∞ Kunigonde van Laon. (-) |
Theoderic van die Vexin (-) ∞ ? (-) | |||
| Ouers | Pepyn van Vermandois (818-850) ∞ ? (-) | ||||
| Voorafgegaan deur Pepyn III, Graaf van Vermandois |
Graaf van Vermandois 892-907 |
Opgevolg deur Herbert II, Graaf van Vermandois |
| Voorafgegaan deur Theodebert, Graaf van Meaux |
Graaf van Meaux 896–907 | |
| Voorafgegaan deur posisie vasgestel |
Graaf van Soissons 889–907 | |
| Voorafgegaan deur Pepyn II, Graaf van Senlis |
Graaf van Valois 893–895 |
Opgevolg deur Ralph I van Ostrevent |
