Bielefeld

Bielefeld
Kaart	Wapen
	Vlag
Land	Duitsland
Deelstaat	Noordryn-Wesfale
Koördinate	52°1′N 8°32′O
Stigting (eerste verwysing)	1214
Stadstatus	1214
Oppervlakte:
- Totaal	257,91 vk km
Hoogte bo seevlak	118 m
Bevolking:
- Totaal (31 Desember 2011)	323 395
- Bevolkingsdigtheid	1 253/vk km
Tydsone	UTC +1 (MET)
Burgemeester	Pit Clausen (SPD)
Amptelike webwerf	bielefeld.de

Bielefeld omstreeks 1895.

Bielefeld (Nederduits: Builefeld, Bielefeld, Beilefeld of Builefeild) is 'n selfregerende stad in die administratiewe gewes Detmold van die Duitse deelstaat Noordryn-Wesfale. Met 'n bevolking van 323 000 is Bielefeld die ekonomiese sentrum en die stad met die grootste inwonertal in die streek Oos-Wesfale-Lippe in die noord-ooste van die deelstaat.

Die geskiedkundige middestad lê noord van die Teutoburg-woud, maar die moderne stad omsluit ook wyke aan die oorkant van die woud en aan die heuwelhange. Bielefeld huisves 'n groot aantal internasionale firmas, onder meer Dr. Oetker, Gildemeister AG en Schüco. Daar is 'n universiteit en verskeie "Fachhochschulen" (universiteite van toegepaste wetenskappe).