Studentesakegebou UP
Die Studentesakegebou, voltooi in 1915, was die eerste studentekoshuis wat op die Hatfieldkampus van die Universiteit van Pretoria gebou is. Dit is deur die Departement Openbare Werke ontwerp en toon elemente van die Neo-Romaanse styl soos gesien kan word uit die klassieke wit pilare en sterk horisontale lyne. Die gebou het aanvanklik as die Kollegehuis bekend gestaan en hoofsaaklik as manskoshuis gedien, maar het ook dienste (hoofsaaklik eetsaal-fasiliteite) aan damestudente en ander dagstudente gebied. Die manskoshuis is later na ’n nuwe gebou op die universiteit se proefplaas verskuif, waarna die gebou vir 'n tydperk gebruik is deur die Departement Spraakterapie. Die gebou word sedert 1973 beset deur die Departement Studentesake. [1]
