Brisbane

Brisbane
Stad
Brisbane se stadsligte
Vlag Wapen
Ligging van Brisbane
Die stad Brisbane
Koördinate: 27°28′04″S 153°01′40″O
Staat	Australië
Deelstaat	Queensland
Administratiewe verdeling	6 Local Government Areas
Stigting	1824
Regering
• Burgemeester	Campbell Newman
Oppervlak
• Stedelik	5 904,8 km2 (2 279,9 vk. myl)
Hoogte	0 m (0 ft)
Bevolking
• Stad	2 004 262
• Stedelike digtheid	918/km2 (2 380/vk. myl)
Tydsone	AEST (UTC+10)
• Somertyd	UTC+10
Webwerf	Brisbane City Council

Brisbane is die hoofstad en grootste stad van die deelstaat,Queensland, in Australië. Die metropoolse gebied van Brisbane het 'n bevolking van naderby 2 miljoen mense. Die sakekern van die stad staan vandag waar die oorspronklike nedersetting in 'n kronkel van die Brisbane-rivier, sowat 23 kilometer vanaf die monding te Moreton Bay gevestig was. Die metropoolse gebied strek in alle rigtings langs die vloedvlakte van die Brisbane-riviervallei tussen die baai en die Great Dividing Range. Die stad word deur verskeie munisipaliteite bestuur maar is hoofsaaklik gesetel rondom die Brisbane Stadsraad wat jurisdiksie het oor die grootste gebied en bevolking in Brisbane en is dan ook Australië se grootste plaaslike regeringsowerheid ten opsigte van bevolking.

Brisbane is vernoem na die rivier waarlangs dit gebou is, wat op die beurt vernoem is na Sir Thomas Brisbane, die Goewerneur van Nieu-Suid-Wallis tussen 1821 tot 1825. Die eerste Europese nedersetting in Queensland is in 1824 gestig en was 'n strafkolonie te Redcliffe, sowat 28 km noord van die Brisbane se huidige sakekern. Daardie nedersetting is kort daarna verlaat en geskuif na Brisbane se North Quay (Noordelike kaai) in 1825. Vrye setlaars is vanaf 1842 toegelaat om hulle daar te vestig. Brisbane is gekies as die hoofstad van Queensland toe dit as 'n aparte Britse kolonie van Nieu-Suid-Wallis verklaar in 1859 verklaar is.

Die stad het 'n kernrol gespeel tydens die Geallieerde magte se veldtog in die Tweede Wêreldoorlog en het gedien as die Suid-Westelike hoofkwartiere van Generaal Douglas MacArthur vir die Stille Oseaan gebied. Brisbane was ook die gasheer vir verskeie groot kulturele en sportsgeleenthede gewees. Die stad is ook gelys as die 16^de mees leefbare stad in die wêreld deur The Economist in 2009.

Geskiedenis

Voor Europese nedersetting was die gebied rondom Brisbane deur die Turrbal- en Jagera-stamme bewoon wat afstammelinge was van mense wat na die streek gemigreer het oor die Straat van Torres.

Die Moreton Bay gebied was aanvanklik deur Matthew Flinders verken. Op 17 Julie 1799 het Flinder aan wal gegaan by die hedendaagse Woody Point, wat hy toe "Red Cliff Point" gedoop het as gevolg van die rooikleurige kranse wat vanaf die baai sigbaar is. In 1823 het Thomas Brisbane, die destydse goewerneur van Nieu-Suid-Wallis, opdrag gegee dat 'n nuwe noordelike strafkolonie ontwikkel word en is 'n verkenningsgeselskap onder leiding van John Oxley gestuur om die Moreton Bay gebied verder te verken.

Oxley het die Brisbane-rivier sy naam gegee en die rivier tot sover as Goodna verken, wat sowat 20 km opstroom vanaf die huidige sakekern gelee is. Oxley het Red Cliff Point aanbeveel vir die nuwe kolonie aangesien skepe met enige gety sou kon vasmeer en maklik naby die oewer sou kon kom. Op 13 September 1824 het 'n geselskap onder bevel van Luitenant Henry Miller saam met 14 soldate; sommige met vrouens en kinders en 29 gevangenes hulself in Redcliffe gevestig. Die nedersetting is egter 'n jaar later ontruim en geskuif na 'n plek langs die Brisbane-rivier wat tans as North Quay bekend staan, sowat 28 km ter suide daarvan omdat 'n meer betroubare waterbron daar beskikbaar was. Die nuwe nedersetting het eers as Edenglassie bekend gestaan voor dit herdoop is tot Brisbane.

Verwysings

	Hoofstede van Australië
Hoofstede Adelaide • Brisbane • Canberra • Darwin • Hobart • Melbourne • Perth • Sydney