BMW
BMW (kort vir Bayerische Motoren Werke AG) is 'n Duitse maatskappy wat weelde- en sportmotors, asook kragtige motorfietse vervaardig.[3] Hulle hoofkantoor is in München. BMW besit BMW Mini en Rolls-Royce. Hulle het voorheen ook Rover besit.
| Bayerische Motoren Werke Aktiengesellschaft | |
 | |
| Tipe | Aandelemaatskappy |
|---|---|
| Gestig | 7 Maart 1916 |
| Hoofkantoor | München,  Duitsland
|
| Sleutelpersone | Oliver Zipse (Hoof- uitvoerende beampte) Norbert Reithofer (voorsitter van die Toesighoudende Raad) |
| Gebied bedien | Wêreldwyd |
| Industrie | Motorvervaardiger |
| Produkte | Motorvoertuie en motorfietse |
| Inkomste |  € 98 990 miljoen (2020)[1] |
| Bedryfsinkomste | € 5,222 miljard (2020)[1] |
| Netto inkomste | € 3,857 miljard (2020)[1] |
| Werknemers | 133 778 (2019)[2] |
| Moedermaatskappy | Openbare beleggings (50%); Stefan Quandt (29%), Susanne Klatten (21%) |
| Webwerf | bmwgroup.com |
Hulle huidige slagspreuk in die Verenigde Koninkryk is "The Ultimate Driving Machine", terwyl dit in Suid-Afrika en die VSA "Sheer Driving Pleasure" is. In Afrikaans is die slagspreuk "Loutere bestuursgenot".
BMW se kompetisie sluit in Alfa Romeo, Audi, Lexus, Mercedes-Benz, Volvo en Porsche.
Geskiedenis
BMW is in 1913 naby München gestig. Die vervaardiger het aanvanklik gespesialiseer daarin om vliegtuigenjins te bou en dit is ook waarvandaan die wapen van die vervaardiger afkomstig is. Dit stel die draaiende skroef van 'n vliegtuig voor.
Stand in motorbedryf
BMW het gedurende 2006 amptelik die grootste vervaardiger van luukse motors in die wêreld geword.
Kontroversie
Ontwerp
Tydens die vroeë 2000's het BMW 'n nuwe ontwerphoof, Christopher Bangle, aangestel. Sy ontwerpe het onder die spervuur gekom, en die media het na die nuwe ontwerpe verwys as "Bangled" of "Bangle-ized". Die ontwerpe was heelwat meer gegolf, maar ten spyte van kritiek het hulle verkope bly styg.
Kuns
Ook in 2000, het kunstenaars en BMW onder spervuur gekom as gevolg van 'n kunsuitstalling gehou te München met die naam "Dream City" ("Droomstad"). Twee van die kunstenaars, Swetlana Heger en Plamen Dejanov, het hulle uitstalruimte gebruik om BMW's te adverteer. Dit het die belangrike bespreking oor die verhouding tussen kuns en nywerheid ontlok.
Produksie buite Duitsland
BMW produseer motors en motorfietse in Spartanburg, Suid-Carolina. Dit lewer meer as 500 motors daagliks en het 4 700 werknemers.
In Suid-Afrika het BMW 'n moderne fabriek in Rosslyn, noord van Pretoria, en 70% van die motors wat hier vervaardig word, word uitgevoer na die VSA, Japan, Australië, Afrika en die Midde-Ooste. In die vroeë 1990's het BMW R1 miljard in die Rosslynfabriek belê.
Modelle – Motors
Die huidige BMW motormodelle word verdeel in verskillende "Reekse", byvoorbeeld die 3 Reeks.
1-reeks
'n Klein motor, die enigste agterwielaangedrewe voertuig in sy klas, wat in 2004 vrygestel is in Europa en in die VSA in 2006.
3-reeks
Die opvolger van die 2002, 'n kompakte sedan van die vyfde geslag (E90), vrygestel in 2006.
5-reeks
'n Mediumgrootte sedan.
6-reeks
Die afslaankapweergawe van die 5-reeks.
7-reeks
'n Luukse volgroottevoertuig in kompetisie met die Mercedes-Benz S-klas. Ook beskikbaar in 'n koeëlvaste weergawe.
'n Klein SNV met die klem op bekostigbaarheid.
BMW se eerste SNV, in kompetisie met die Porsche Cayenne, Range Rover en Mercedes-Benz M-klas.
Z4
'n Tweesitplekvoertuig, ook beskikbaar as 'n afslaankap.
Modelle – Motorfietse
Die huidige BMW motorfietsmodelle word in verskillende "reekse", byvoorbeeld die R-reeks, verdeel.
F-reeks
Hierdie reeks bestaan uit die F650-reeks wat 'n veeldoelfiets is, asook die nuwe F800-reeks wat tans slegs vir padgebruik bedoel is. Beide die reekse gebruik Rotax-enjins wat in samewerking met BMW ontwikkel is. Die F800 reeks is in 2006 vrygestel.
R-reeks
Die reeks bestaan uit 'n groot hoeveelheid modelle wat bykans alle aanwendingsvelde insluit. Al die fietse in die reeks word aangedryf deur BMW se plattweesilinder- of bokserenjins. Een van die mees gewilde fietse in die reeks is die GS (Gelande Strasse) model wat vir veeldoelgebruik bedoel is.
K-reeks
Die K-reeks bestaan uit fietse met inlynviersilinderenjins, en dit is dan ook die BMW-fietse met die beste werkverrigting. Die K1200 wat in 2005 vrygestel is het onder andere die landspoedrekord op die soutpanne in Amerika verbeter.
Kultuur
Die term "beemer" se oorsprong is vanaf die uitspraak van die afkorting "BMW". In Suid-Afrika het Johannes Kerkorrel die bekende lied "BMW" gesing.
Gemeenskap
BMW het 'n hegte en lojale gevolg deur entoesiaste. Die volgende webwerwe is voorbeelde hiervan: E46fanatics.com, M3forums.com, E90post.com, BimmerPortal.com, en bimmerforums.com.
Sedert 1999 het BMW-entoesiaste bymekaar gekom in Santa Barbara, Kalifornië om die "Bimmerfest" by te woon; meer as 3000 mense het dit bygewoon in 2006 met meer as 1000 voertuie.
BMW motorfietseienaars kom elke jaar bymekaar tydens 'n geleentheid in Suid-Afrika wat die ABBG (annual BMW Bikers gathering) genoem word.
Verwysings
- ↑ 1,0 1,1 1,2 "BMW Group Report 2020" (PDF). BMW. pp. 9, 130, 136. Besoek op 23 Maart 2021.
- ↑ "Annual Report 2019" (PDF). BMW. Geargiveer vanaf die oorspronklike (PDF) op 19 Maart 2020. Besoek op 19 Maart 2020.
- ↑ HAT Taal-en-feitegids, Pearson, Desember 2013, ISBN 978-1-77578-243-8
Eksterne skakels
| Wikimedia Commons bevat media in verband met BMW. |